Prezident Qasym-Jomart Toqaev Ūlttyq qoǧamdyq senım keŋesınıŋ üşınşı otyrysynda därıgerlerdıŋ jalaqysy ortaşa deŋgeidegı eŋbekaqydan 2,5 ese artyq boluy kerek dep aitqany köŋılge medeu syilady, dedı Aqmola oblysy Bırjan sal audanyna qarasty Maqpal auylynda 25 jylǧa juyq jūmys ıstep jürgen meiırbike Äliia Hasenova. Būl turaly Strategy2050.kz tılşısı habarlady.
«Memleket basşysy koronavirus pandemiiasy därıgerlerdıŋ tapşylyǧyn körsetkenın aityp öttı. Būl ındetpen küresu eşkımge de oŋaiǧa tigen joq. Auylda tūrǧyndarynyŋ densaulyǧyna meiırbike retınde men jauaptymyn. Sondyqtan da tūrǧyndarǧa aqparattyq tüsındıru jūmystaryn jürgızıp, karantindegı adamdardyŋ jaǧdaiyn jasaumen ainalystym. Aq halatty abzal jandardyŋ eŋbegı elengenı quantady», - dedı Ä.Hasenova.Sondai-aq, onyŋ aituynşa, qala men auyl arasyndaǧy medisinalyq qyzmet körsetu aiyrmaşylyǧy tek infraqūrylymmen ǧana şektelmeidı. «Prezident te būl mäsele turaly aitty. Auylda infraqūrylym joq. Qala auruhanalaryndaǧydai zamanaui tehnologiialyq qondyrǧylar da joqtyŋ qasy. Osy mäselenıŋ basy aşylyp, Memleket basşysynyŋ auyldyq densaulyq saqtaudyŋ tiımdı modelın qūru tapsyrmasy köŋıldı könşıtıp otyr. Būl auyldaǧy densaulyq saqtau salasyn damytuǧa ülken üles qosady dep ümıttenemın», - dedı ol.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz