Prezıdent Qasym-Jomart Toqaev Ulttyq qoǵamdyq senim keńesiniń úshinshi otyrysynda dárigerlerdiń jalaqysy ortasha deńgeıdegi eńbekaqydan 2,5 ese artyq bolýy kerek dep aıtqany kóńilge medeý syılady, dedi Aqmola oblysy Birjan sal aýdanyna qarasty Maqpal aýylynda 25 jylǵa jýyq jumys istep júrgen meıirbıke Álııa Hasenova. Bul týraly Strategy2050.kz tilshisi habarlady.
«Memleket basshysy koronavırýs pandemııasy dárigerlerdiń tapshylyǵyn kórsetkenin aıtyp ótti. Bul indetpen kúresý eshkimge de ońaıǵa tıgen joq. Aýylda turǵyndarynyń densaýlyǵyna meıirbıke retinde men jaýaptymyn. Sondyqtan da turǵyndarǵa aqparattyq túsindirý jumystaryn júrgizip, karantındegi adamdardyń jaǵdaıyn jasaýmen aınalystym. Aq halatty abzal jandardyń eńbegi elengeni qýantady», - dedi Á.Hasenova.Sondaı-aq, onyń aıtýynsha, qala men aýyl arasyndaǵy medıınalyq qyzmet kórsetý aıyrmashylyǵy tek ınfraqurylymmen ǵana shektelmeıdi. «Prezıdent te bul másele týraly aıtty. Aýylda ınfraqurylym joq. Qala aýrýhanalaryndaǵydaı zamanaýı tehnologııalyq qondyrǵylar da joqtyń qasy. Osy máseleniń basy ashylyp, Memleket basshysynyń aýyldyq densaýlyq saqtaýdyń tıimdi modelin qurý tapsyrmasy kóńildi kónshitip otyr. Bul aýyldaǵy densaýlyq saqtaý salasyn damytýǵa úlken úles qosady dep úmittenemin», - dedi ol.
