الماتىداعى بلوكپوستتا بولعان جول-كولىك وقيعاسىنان كوز جۇمعان پوليتسەيدىڭ جۇبايى دينارا ابدىكانوۆا BMW جۇرگىزۋشىسى ازات ازاماتوۆتىڭ قاتارداعى قۇقىق قورعاۋ قىزمەتكەرى ەكەنىن ايتتى، دەپ حابارلايدى تurantimes.kz.
ول ازات ازاماتوۆتىڭ ىشكى ىستەر ورگاندارىندا التى جىل قىزمەت ەتكەنى جونىندەگى اقپاراتقا پىكىر ءبىلدىردى. الايدا، قىزمەتتىك مىندەتتەمەلەردى دۇرىس ورىنداماعانى ءۇشىن ءتورت رەت تارتىپتىك جازاعا تارتىلىپ، جۇمىستان شىعارىلعان.
«بۇل شىندىق ەمەس. ول قاتارداعى قىزمەتكەر. ول قىزمەتتەن قۋىلمادى. قۋىلمادى!»، - دەپ مالىمدەدى دينارا ءوزىنىڭ Instagram-stories-دە.
«كىنالى جۇرگىزۋشى پوليتسيادا جۇمىس جاسامايدى دەگەن اقپارات – جالعان. ول مەنىڭ كۇيەۋىممەن تۇنگى اۋىسىمعا شىعىپ ءجۇردى. مەن وعان تۇنگى تاماعىن دايىندايتىنمىن. ءوزىمنىڭ كۇيەۋىمنىڭ ۇجىمداستارىن بەتكە بىلەمىن. وتىنەمىن، شىندىقتى ايتىڭىزدارشى! تاماشا اكەلەر مەن وتاعاسىلارىنىڭ ولىمىنە كىنالى ادامدى بۇركەلەمەڭىزدەر. اجال قۇشقان سۇيىكتى جانداردىڭ ار-نامىسىن اياق استى ەتپەڭىزدەر»، - دەدى مارقۇم پوليتسەيدىڭ زايىبى.
بۇعان دەيىن الەۋمەتتىك جەلىلەردە BMW تىزگىنىندە پوليتسيا قىزمەتكەرى وتىرعانى تۋرالى مالىمەت پايدا بولعان ەدى. بۇگىن، 26 مامىردا الماتىنىڭ پوليتسيا دەپارتامەنتىندە ازاماتوۆتىڭ التى جىل ورگانداردا جاساعانىن حابارلادى. بۇدان بولەك، ونىڭ وسىعان دەيىن دە 2017 جىلى جول-كولىك وقيعاسىنا قاتىستى ءىس بويىنشا سوتتالعانى انىقتالدى.
ەسكە سالا كەتەيىك، دينارانىڭ جۇبايى – 1994 جىلى تۋىلعان پوليتسيا سەرجانتى داستان ابدىكانوۆ اۋرۋحانادا ەسىن جيماستان قايتىس بولدى. ىشكى ىستەر ورگنادارىندا 2016 جىلدان بەرى ەڭبەك ەتىپ كەلدى. ارتىندا ءبىر ايلىق ۇلى قالدى.
