كاتار قازاقستانعا، قازاقستان اۋعانستانعا گۋمانيتارلىق كومەك جىبەردى

2892
Adyrna.kz Telegram

بۇگىن كاتار قازاقستانعا مەديتسينالىق جابدىقتار اكەلسە، قازاقستان اۋعانستانعا ازىق-تۇلىك جىبەردى.

«قازاقستان كورشىلەس ەلدەرگە گۋمانيتارلىق كومەك كورسەتەدى.  جالپى اۋعانستانعا ءار مەملەكەت ءوز مۇمكىندىگىنشە، مەديتسينالىق قۇرالدار مەن ازىق-تۇلىك سىندى كومەك بەرىپ جاتىر»، – دەدى قر سىرتقى ىستەر مينيسترلىگى تاياۋ، ورتا شىعىس جانە افريكا دەپارتامەنتىنىڭ ديرەكتورى ەرجان مۇقاش نۇر-سۇلتان اۋەجايىندا.

بۇعان دەيىن  نۇر-سۇلتانعا «Qatar Airways» اۋە كومپانياسىنىڭ ارنايى رەيسىمەن 9 توننا گۋمانيتارلىق كومەك جەتكىزىلگەن بولاتىن. وندا ماسكا، حالات جانە قورعانىس قۇرالدارى بار. قازاقستانداعى كاتار ەلشىسى ابدۋلازيز بەن سۋلتان ال-رۋمەيحي اتالعان كومەك كوروناۆيرۋس ينفەكتسياسىن جەڭۋگە كومەكتەسەتىنىنە ۇمىتتەنەتىنىن ايتتى.

گۋمانيتارلىق كومەكتى قر دەنساۋلىق ساقتاۋ مينيسترلىگى مەن «سق-فارماتسيا» جشس وكىلدەرى قارسى الدى جانە ەلىمىزدىڭ مەديتسينالىق ۇيىمدارىنا تاراتىلادى.

ايتا كەتەيىك، كوروناۆيرۋس پاندەمياسى كەزىندە قازاقستانعا وڭتۇستىك كورەيا، ءباا، قىتاي، ءۇندىستان، اقش، پاكىستان، رەسەي جانە تۇركيادان گۋمانيتارلىق كومەك كەلدى. ال ەلىمىز جۋىردا تاجىكستانعا كومەك رەتىندە ۇن جونەلتتى.

"ادىرنا" ۇلتتىق پورتالى

پىكىرلەر