"قازمۇنايگاز" كومپانياسى باسقارۋشىلارىنىڭ جالاقىسى 30 پروتسەنتكە ال وزگە باسشىلاردىكى - 20 پرتسەنتكە ازايماقشى.
ادام رەسۋرستارىن باسقارۋ جونىندەگى باسقارۋشى ديرەكتور داۋلەتجان حاسانوۆتىڭ ايتۋىنشا، كوروناۆيرۋس پاندەمياسى مۇناي نارىعىنا قاتتى اسەر ەتكەن. شيكىزاتقا دەگەن سۇرانىس كۇرت تومەندەگەن. سونىڭ سالدارىنان "قازمۇنايگاز" كومپانياسىنىڭ قارجىلىق جاعدايى قيىنداپ كەتكەن. كوپانيادا 12 مامىردا قىزمەتتىك ەڭبەكاقىلاردىڭ جاڭا جۇيەسى بەكىتىلگەن.
"ورتالىق اپپارات قىزمەتكەرلەرىنىڭ سانىن 34 پروتسەنتكە، 729 بىرلىكتەن 480 بىرلىككە دەيىن ازايتۋعا شەشىم قابىلداندى. باسقارۋشى ديرەكتورلاردىڭ سانى قىسقارتىلدى. وسىلايشا، جالپى شتاتتىڭ 249 بىرلىگى تاراتىلدى. ولاردىڭ 10 پروتسەنتى ەنشىلەس كومپانيالارعا اۋىستىرىلادى. قالعان 90 پروتسەنتى قازمۇنايگاز جۇيەسىنەن كەتەدى. باسقارۋشى قىزمەتكەرلەردىڭ جالاقىسى 30 پروتسەنتكە، ال ورتا توپتاعى باسقارۋشىلاردىڭ ەڭبەكاقىسى 20 پروتسەنتكە تومەندەيدى. قالعان قىزمەتكەردىڭ ەڭبەكاقىسى وزگەرمەيدى. باسقارۋشى اپپاراتتىڭ بونۋستارى مەن سىياقىلارى دا ازايادى. وسىلايشا بيىل كومپانيا باسشىلارىنىڭ تابىسى 50 پروتسەنتكە تومەندەيدى" - دەدى ونلاين بريفينگتە داۋلەتجان حاسەنوۆ.
سونداي-اق ول بيىل جۇمىستان كەتكەن قىزمەتكەرلەرگە وتەماقى تولەنەتىنىن سول سەبەپتى كوپ اقشا ۇنەمدەلمەيتىنىن ايتتى. ال كەلەسى جىلى وڭتايلاندىرۋ شارالارىنىڭ ناتيجەسىندە شامامەن 5 ميلليارد تەڭگە ۇنەمدەلەدى دەگەن جوسپارىن ورتاعا سالدى.
"ادىرنا" ۇلتتىق پورتالى
