"QazMūnaiGaz" kompaniiasy basqaruşylarynyŋ jalaqysy 30 prosentke al özge basşylardıkı - 20 prsentke azaimaqşy.
Adam resurstaryn basqaru jönındegı basqaruşy direktor Däuletjan Hasanovtyŋ aituynşa, koronavirus pandemiiasy mūnai naryǧyna qatty äser etken. Şikızatqa degen sūranys kürt tömendegen. Sonyŋ saldarynan "QazMūnaiGaz" kompaniiasynyŋ qarjylyq jaǧdaiy qiyndap ketken. Kopaniiada 12 mamyrda qyzmettık eŋbekaqylardyŋ jaŋa jüiesı bekıtılgen.
"Ortalyq apparat qyzmetkerlerınıŋ sanyn 34 prosentke, 729 bırlıkten 480 bırlıkke deiın azaituǧa şeşım qabyldandy. Basqaruşy direktorlardyŋ sany qysqartyldy. Osylaişa, jalpy ştattyŋ 249 bırlıgı taratyldy. Olardyŋ 10 prosentı enşıles kompaniialarǧa auystyrylady. Qalǧan 90 prosentı QazMūnaiGaz jüiesınen ketedı. Basqaruşy qyzmetkerlerdıŋ jalaqysy 30 prosentke, al orta toptaǧy basqaruşylardyŋ eŋbekaqysy 20 prosentke tömendeidı. Qalǧan qyzmetkerdıŋ eŋbekaqysy özgermeidı. Basqaruşy apparattyŋ bonustary men syiaqylary da azaiady. Osylaişa biyl kompaniia basşylarynyŋ tabysy 50 prosentke tömendeidı" - dedı onlain brifingte Däuletjan Hasenov.
Sondai-aq ol biyl jūmystan ketken qyzmetkerlerge ötemaqy tölenetının sol sebeptı köp aqşa ünemdelmeitının aitty. Al kelesı jyly oŋtailandyru şaralarynyŋ nätijesınde şamamen 5 milliard teŋge ünemdeledı degen josparyn ortaǧa saldy.
"Adyrna" ūlttyq portaly
