قازاقستاندا كوروناۆيرۋستىڭ تارالۋ قاۋپى ساقتالىپ وتىر. بۇل تۋرالى پرەزيدەنت قاسىم-جومارت توقاەۆ ايتتى، - دەپ حابارلايدى "ادىرنا" Tengrinews.kz كە سىلتەمە جاساپ.
« كوروناۆيرۋس ىندەتىنە قارسى كۇرەستەگى وڭ ناتيجەگە قاراماستان، ونىڭ تارالۋ قاۋپى سەيىلگەن جوق. ازاماتتاردى دەنساۋلىقتارىنا زيان كەلتىرمەۋ ءۇشىن، اسىرەسە، كوپشىلىك جينالاتىن جەرلەردە قاۋىپسىزدىك شارالارىن ساقتاۋعا شاقىرامىن. كارانتين رەجيمى جەڭىلدەتىلگەنىمەن، ءالى دە ساقتالۋدا.»، - دەپ جازدى توقاەۆ ءوزىنىڭ Twitter-ىندە.
بۇعان دەيىن الماتى، نۇر-سۇلتان جانە بىرقاتار قالالاردا كارانتيننىڭ جەڭىلدەگەنى حابارلانعان بولاتىن
25 مامىردا الماتىدا ساۋدا ورتالىقتارى مەن جازعى كافەلەر جارتىلاي جۇمىس ىستەيدى. اتاپ ايتقاندا، ازىق-تۇلىك ساتپايتىن بۋتيكتەر، سۇلۋلىق سالونى، حيميالىق تازالاۋ جانە پد اۋماعىندا ورنالاسقان ساۋدا ورتالىقتارى ءوز قىزمەتىن قايتا جانداندىرادى. كەيبىر قوناقۇيلەر دە جۇمىس ىستەيدى. بۇل جاتاقحانالارعا قاتىستى ەمەس.
«2020 جىلدىڭ 20 مامىرىنان باستاپ، نۇر-سۇلتان جانە پەتروپاۆلوۆسك قالالارىندا ساۋدا-ويىن-ساۋىق ورتالىقتارىنىڭ (ويىن-ساۋىق ورتالىقتارى، تاماقتانۋ ورىندارى، كينوتەاترلار) جانە قوعامدىق مونشالاردىڭ جۇمىسىن قايتا باستايمىز»، - دەلىنگەن مەملەكەتتىك كوميسسيانىڭ حابارلاماسىندا.
