الماتى وبلىسىندا كارانتين رەجيمى ساقتالادى، كارانتيندىك شارالاردى بىرتە-بىرتە بوساڭسىتۋ جالعاسادى. وبلىستىڭ باس مەملەكەتتىك سانيتاريالىق دارىگەرىنىڭ جاڭا قاۋلىسىنا سايكەس كوروناۆيرۋس ينفەكتسياسىنىڭ تارالۋى توقتالماعان ايماقتاردى قوسپاعاندا، اۋداندار مەن قالالار اراسىنداعى بلوكپوستتار الىنا باستايدى.
وبلىستىڭ باس مەملەكەتتىك سانيتاريالىق دارىگەرى قايرات بايمۇحامبەتوۆتىڭ ايتۋىنشا، قوعامدىق مونشادان باسقا مونشالار، ساۋنالار، سپا، ماسساج ورتالىقتارى جانە ت.ب. قىزمەت كورسەتۋ نىساندارى جۇمىستارىن باستايدى.
مەكتەپكە دەيىنگى ۇيىمداردىڭ كەزەكشى توپتارى (جاسى بويىنشا) اشىلادى، شاعىن كومپلەكتىلى ءبىلىم ورتالىقتارى، ۇيىرمەلەر (جازىلۋ بويىنشا) قىزمەتكەرلەرى مەن بالالاردىڭ دەنساۋلىق جاعدايىنا باقىلاۋ جاساي وتىرىپ (تەرمومەتريا) جانە جرۆي بەلگىلەرى بار قىزمەتكەرلەر مەن بالالاردى شەتتەتە وتىرىپ ءوز جۇمىستارىن كىرىسەدى. قۇتقارۋشىلاردى، تەحنيكالىق قاۋىپسىزدىككە جاۋاپتىلاردى دايىندايتىن جانە قايتا دايارلايتىن مامانداندىرىلعان وقىتۋ ورتالىقتارى، سول سياقتى كۇزەت جانە باسقا دا ارنايى ۇيىمدار جۇمىستارىن قايتا جالعاستىرادى.
50 ورىنعا دەيىنگى ستاديوندار اشىلادى. قاپشاعاي قالاسىنداعى «بالداۋرەن» رەسپۋبليكالىق وقۋ-ساۋىقتىرۋ ورتالىعى» رمكك جۇمىسىن باستايدى.
بۇل رەتتە قوعامدىق ورىنداردى، ونەركاسىپتىك اۋماقتاردى، اۋەجايلاردى، اۋلالارداعى بالالار الاڭدارىن جانە باسقا دا نىسانداردى سانيتارلىق جانە دەزينفەكتسيالىق وڭدەۋ جۇمىستارىن جۇرگىزۋ جالعاسادى، بارلىق نىسانداردا كۇشەيتىلگەن سانيتارلىق-دەزينفەكتسيالىق شارالار كۇشەيتىلىپ، ماسكا كيۋ رەجيمى جاپپاي ساقتالۋى ءتيىس.
اتالعان قاۋلى 2020 جىلعى 18 مامىر كۇنگى ساعات 08.00-دە كۇشىنە ەنەدى. دەگەنمەن كوروناۆيرۋس ينفەكتسياسىنىڭ جۇقتىرۋدىڭ جاڭا دەرەكتەرىنىڭ تىركەلۋىنە بايلانىستى ەپيدەميولوگيالىق احۋالدىڭ كۇردەلى جاعدايى ساقتالىپ وتىرعان تالعار، كەگەن اۋداندارى مەن تالدىقورعان قالاسىنا بۇل قاۋلىنىڭ قاتىسى جوق.
الماتى وبلىسى
