الماتى وبلىسىندا بۇگىن كوروناۆيرۋستىڭ 10 جاعدايى تىركەلدى، ولاردىڭ 6-ۋى – تالدىقورعان قالاسىندا، 2-ەۋى – كەگەن، 2-ەۋى تالعار اۋداندارىندا انىقتالعان.
بارلىق 10 پاتسيەنت تە بەلسەندى انىقتالعان، ونىڭ 8-ءى - بۇعان دەيىن ىندەت جۇقتىرعاندارمەن بايلانىستا بولعاندار، ال 2-ەۋىنىڭ سىرقاتى مەديتسينالىق كومەككە جۇگىنۋ بارىسىندا بەلگىلى بولعان. پتسر-تالداۋىنىڭ ناتيجەسى بويىنشا پاتسيەنتتەردىڭ COVID-19 جۇقتىرعانى راستالدى.
سىرقاتتارى انىقتالعانعا دەيىن-اق وقشاۋلاندىرىلعان پاتسيەنتتەر قازىر جۇقپالى اۋرۋلار بولىمىنە اۋىستىرىلدى.
ناۋقاستارمەن بايلانىستا بولعاندار انىقتالۋ ۇستىندە، ولار دا وقشاۋلاندىرىلىپ، كۆي-گە زەرتحانالىق تەكسەرۋدەن وتكىزىلەدى. ەپيدەميولوگيالىق زەرتتەۋ جالعاسۋدا.
16 مامىرداعى جاعداي بويىنشا، الماتى وبلىسىندا كۆي جۇقتىرعاندار سانى 201-گە جەتتى.
ايتا كەتسەك، كەشە الماتى وبلىسىندا 5 ادام كوروناۆيرۋستان جازىلىپ شىقتى. ولاردىڭ الدى 48 جاستا بولسا، ەڭ كىشىسى - 1 جاسار سəبي.
الماتى وبلىسىنىڭ اكىمىنىڭ ءباسپاسوز قىزمەتى