نۇر-سۇلتاندا اشىنعان ساۋداگەرلەر پوليتسيا جاساعىن تاپتاپ كەتە جازدادى (ۆيدەو)

ال، بۇعان دەيىن كارانتيندە جاتقان جۇرت جابىق بازارداعى قۇلىپتاۋلى تۇرعان ورىندار ءۇشىن ءبىر تيىن دا تولەمەيمىز دەيدى. ءۇش ادامنان ارتىق جينالۋعا بولمايدى دەگەن تىيىم دا جايىنا قالىپ، اشىنعان ساۋداگەرلەر پوليتسيا جاساعىن تاپتاپ كەتە جازدادى.

بۇل تۋرالى ەۋرازيا ءبىرىنشى ارناسى حابارلايدى.

كەشە ەلوردانىڭ ورتالىق بازارىنا 500-گە جۋىق ساۋداگەر جيىلدى. ولاردىڭ تالاپتارى بىرەۋ. كارانتين ۋاقىتىندا پايدالانىلماعان قارجىسىن وسى مامىر جانە ماۋسىم ايلارىنا اۋىستىرۋ. ال، بازار اكىمشىلىگىنە قاراي بەتتەگەن ساۋداگەرلەردى مۇندا پوليتسيا جاساقتارى وتكىزبەي تۇر. جاقىن كۇندەرى اشىلۋى ءتيىس بولعان ساۋدا ورىندارى ءالى دە جابىق. ەسىگىندە قارا قۇلىپ تۇر".

ەكى ايدان بەرى ساۋداسى توقتاپ تۇرعان كاسىپكەرلەر كۇن ساناپ بەلشەدەن قارىزعا باتىپ جاتقاندارىن ايتادى. ءتىپتى كەيبىرى كارانتين ۋاقىتىندا ينتەرنەت ارقىلى ونلاين ساۋدا جاساپ، تيىن تەبەن تابۋعا وقتالعان. الايدا، بازار باسشىلىعى تۇرعىنداردىڭ زاڭدى تاۋارىن بەرمەي، كونتەينەرلەردىڭ ماڭىنا كۇزەت قويىپ تاستاپتى.

ەرلان سەيىتوۆ، ساۋداگەر:

"ارەندا قىمبات. كومۋسلۋگا دا قىمبات. كۆادراتىنا 1140 تەڭگەدەن. بۇكىل قازاقستاننىڭ جاعدايى قيىن بولىپ تۇر عوي مىنا كارانتينگە بايلانىستى. مىسالى ءبىز ساۋداگەرمىز، ءبىز سەزونمەن جۇمىس جاسايمىز. ءبىز قىستىق زاتتى ساتىپ، كوكتەمدىك زات اكەلىپ قويعانبىز. كوكتەمدە كارانتين كەلدى جابىلدى. ءبىز كوكتەمدىك زاتتى ساتىپ، جازدىق زات اكەلۋىمىز كەرەك نەگىزى. ءبىز بىلايشا ايتقاندا، ەكى سەزوندا بانكروتقا ۇشىراپ وتىرعان سياقتىمىز".

كاسىپكەرلەر توتەنشە جاعداي كەزىندە بازار باسشىلىعى نىسان جابىلاتىنىن بىلە تۇرا، ساۋداگەرلەردەن جالداۋ اقىسىن تولىق كولەمدە جيىپ العانىن ايتادى. ال، قالادا ەپيدەميولوگيالىق جاعداي تۇراقتالىپ، جۇمىسقا شىعايىن دەسە، ساۋدا ورتالىعىنىڭ وكىلدەرى الدىمەن "2 ايعا اقشا تولەڭدەر" دەپ تالاپ قويىپ جاتىر ەكەن.

بالجان يماشەۆا، ساۋداگەر:

ء"بىزدى مارتتىڭ 16-دا جاپتى. مارتتىڭ 14 كۇنى قالدى. اپرەلدە 16-دا گرافيكتان بۇرىن ءبىزدى تولەتتى. اپرەلدى پولنىي تولەپ قويدىق. بىراق، ۇيدە وتىردىق ىستەگەن جوقپىز. ەندى، قازىر مايدىڭ جارتىسىن تولەڭدەر، تولەمەسەڭدەر تۇرمايسىڭدار دەيدى. مايدىڭ اقشاسىن پەرەراسچەت جاساسىن، اپرەلدى پەرەراسچەت جاساسىن دەسەك، جوق ونى اۆگۋستتە پەرەراسچەت جاسايمىز دەيدى. ونداي بولا ما ەكەن؟".

اشىنعان كاسىپكەرلەر ورتالىق بازاردا جالعا الۋ باعاسى تىم قىمبات ەكەنىن، اقىسىن ءبىر كۇنگە كەشىكتىرسە باسشىلىق ايىپپۇل سالىپ، تاۋارلارىن بەرمەي قويامىز دەپ قورقىتاتىنىن ايتادى. وسى جاعدايعا اشىنعان جۇرت بازار اكىمشىلىگىنىڭ عيماراتىنا باسا كوكتەپ كىرمەك بولدى.

"جۋرناليستەر بارسىن. كىرگىزىڭدەر. توقتاڭىزدار اسىقپاڭىزدار".

ساۋدا ورتالىعى جابىق تۇرعان ساتتە كاسىپكەرلەرگە ەسكەرتىلمەستەن ءبىراز جۇمىستار اتقارىلىپ جاتىر ەكەن. ماسەلەن، اشىق اسپان استىندا تۇرعان كونتەينەرلەردى بازار اكىمشىلىگى ءسۇرىپ تاستاۋدى ۇيعارعان. ەكى ايدان بەرى تاۋارىن دا كورمەگەن ساۋداگەرلەر ورنىمىزدان دا ايىرىلىپ قالامىز با دەپ الاڭدايدى.

"بىلو سكازانو، تري دنيا نازاد چتو ياكوبى ۆى ۆىحوديتە رابوتات. نەۆاجنو، 15,18, 20. زناچيت ۆى دولجنى وپلاتيت زا پولتورا مەسياتسا ارەندنۋيۋ پلاتۋ ۆپەرەد. تو ەست دو كونتسا مايا. زا يۋن مى دولجنى زاپلاتيت".

ۇزاق ۋاقىت قۇلاق تۇندىراتىن شۋدان كەيىن، ەكى كۇننەن بەرى توبە كورسەتپەگەن بازار باسشىسى ءار ءبولىمنىڭ ءبىر-ءبىر وكىلىن شاقىرىپ، جيىن وتكىزدى.

الەكسەي چۋەۆ، ورتالىق بازار باستىعى:

ء"بىزدىڭ ساۋدا ورتالىعىندا جالعا بەرۋدىڭ ءار شارشى مەترى 1500 تەڭگەدەن باستالىپ، ارى قاراي كەتە بەرەدى. قازىر، كارانتين ۋاقىتىندا تولەماقىنى ءتۇسىرۋ جاعىن قاراستىرىپ جاتىرمىز. ەگەر، ارزان باعادا ورىندار كەرەك بولسا، بازاردىڭ باسقا بولىگىنە اۋىسىڭىزدار. ساۋدا جاسايتىن جەر جەتەدى بىزدە. بىردەن ايتايىن سارالانعان تاريف جۇيەسى الىنبايدى. تولىققاندى شەشىم جاقىن كۇندەرى قابىلدانادى".

بازار اكىمشىلىگى كاسىپكەرلەرگە كارانتين ۋاقىتىندا تولەنگەن قارجىنى قايتا ەسەپتەپ، كۇزدە 1-2 اي تەگىن ساۋدا جاساۋعا مۇمكىندىك بەرەمىز دەگەن شارت ۇسىندى. بىراق، ۆيرۋس دەپ ۇيگە قامالعانداردىڭ جالداۋ اقىسىن تولەۋگە ءدال قازىر مۇمكىندىگى جوق. كەيبىرى ءتىپتى، زاتتارىن جيىپ- تەرىپ، باسقا ساۋدا ورىندارىنا دا بارعىسى كەلەدى. ونى دا الۋ ءۇشىن، باسشىلىق الدىمەن اقشا تالاپ ەتۋدە.