توقاەۆ الماتى اۋەجايىن قايتا جوندەۋ جوسپارىمەن تانىستى

1239

قاسىم-جومارت توقاەۆ الماتىدا قولعا الىنعان بىرقاتار ينفراقۇرىلىمدىق جوبامەن تانىستى. بۇل تۋرالى اقوردا حابارلادى.

تۇركيانىڭ TAV airport Holding كومپانياسى باس ديرەكتورىنىڭ ورىنباسارى سەركان كاپتان قاسىم-جومارت توقاەۆقا اۋەجايدىڭ جاڭا تەرمينالىنىڭ قۇرىلىسى تۋرالى ايتىپ بەردى.  قۇنى 150 ميلليون ەۆروعا باعالانعان  تەرمينالدىڭ كولەمى - 55 شارشى مەتر. تەرمينال جىلىنا 6 ميلليون جولاۋشىعا قىزمەت كورسەتەدى.  نىساننىڭ قۇرىلىسى 2022 جىلدىڭ 2-توقسانىندا اياقتالادى دەپ جوسپارلانۋدا.

قاسىم-جومارت توقاەۆ الماتى قالاسىنىڭ حالىقارالىق اۋەجايى قايتا جوندەۋدەن وتكەننەن كەيىن بۇل نىساننىڭ ورتالىق ازيا ايماعىنداعى ءىرى اۆياتسيالىق حابقا اينالاتىنىنا سەنىم ءبىلدىردى.

سونىمەن قاتار قازاقستان پرەزيدەنتى بۇقتىرما كوشەسى مەن قۇلجا تراكتىسىنىڭ قيىلىسىندا سالىناتىن ۇزىندىعى 784 مەترلىك كولىك جولايرىعى قۇرىلىسىنىڭ جوباسىمەن تانىستى. پرەزيدەنت جوبا قالا جولدارىنداعى كەپتەلىستى ازايتۋعا جانە تۇرعىنداردىڭ تىرشىلىگىنە قولايلى جاعداي تۋعىزۋعا مۇمكىندىك بەرەتىنىن ايتتى.

بۇعان دەيىن تۇركيالىق TAV Airports Holding حولدينگى الماتى اۋەجايى اكتسياسىنىڭ ءجۇز پايىزىن 415 ميلليون دوللارعا ساتىپ العاندىعى جونىندە حابارلاعانبىز 

"ادىرنا" ۇلتتىق پورتالى

پىكىرلەر
رەداكتسيا تاڭداۋى