Toqaev Almaty áýejaıyn qaıta jóndeý josparymen tanysty

1487

Qasym-Jomart Toqaev Almatyda qolǵa alynǵan birqatar ınfraqurylymdyq jobamen tanysty. Bul týraly Aqorda habarlady.

Túrkııanyń TAV airport Holding kompanııasy bas dırektorynyń orynbasary Serkan Kaptan Qasym-Jomart Toqaevqa áýejaıdyń jańa termınalynyń qurylysy týraly aıtyp berdi.  Quny 150 mıllıon evroǵa baǵalanǵan  termınaldyń kólemi - 55 sharshy metr. Termınal jylyna 6 mıllıon jolaýshyǵa qyzmet kórsetedi.  Nysannyń qurylysy 2022 jyldyń 2-toqsanynda aıaqtalady dep josparlanýda.

Qasym-Jomart Toqaev Almaty qalasynyń halyqaralyq áýejaıy qaıta jóndeýden ótkennen keıin bul nysannyń Ortalyq Azııa aımaǵyndaǵy iri avıaııalyq habqa aınalatynyna senim bildirdi.

Sonymen qatar Qazaqstan Prezıdenti Buqtyrma kóshesi men Qulja traktisiniń qıylysynda salynatyn uzyndyǵy 784 metrlik kólik jolaıryǵy qurylysynyń jobasymen tanysty. Prezıdent joba qala joldaryndaǵy keptelisti azaıtýǵa jáne turǵyndardyń tirshiligine qolaıly jaǵdaı týǵyzýǵa múmkindik beretinin aıtty.

Buǵan deıin túrkııalyq TAV Airports Holding holdıngi Almaty áýejaıy akııasynyń júz paıyzyn 415 mıllıon dollarǵa satyp alǵandyǵy jóninde habarlaǵanbyz 

"Adyrna" ulttyq portaly

Pikirler
Redakııa tańdaýy