ەرتەڭ، ياعني 11 مامىر كۇنى قازاقستان پرەزيدەنتى قاسىم-جومارت توقاەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىن وتكىزەدى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي ءوزىنىڭ فەيسبۋكتەگى پاراقشاسىندا مالىمدەدى.
"جيىن بارىسىندا مەملەكەت باسشىسى كوروناۆيرۋستىڭ قازىرگى احۋالىن سارالاپ، توتەنشە جاعداي رەجيمى اياقتالعاننان كەيىنگى ۇكىمەت پەن باسقا دا مەملەكەتتىك ورگانداردىڭ الداعى ستراتەگيالىق ءىس-ارەكەتىن ايقىندايتىن مالىمدەمە جاساۋدى جوسپارلاپ وتىر" دەپ جازدى بەرىك ءۋالي ءوزىنىڭ حابارلاماسىندا.
