Erteń, ıaǵnı 11 mamyr kúni Qazaqstan Prezıdenti Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysyn ótkizedi. Bul týraly Memleket basshysynyń baspasóz hatshysy Berik Ýálı óziniń Feısbýktegi paraqshasynda málimdedi.
"Jıyn barysynda Memleket basshysy koronavırýstyń qazirgi ahýalyn saralap, Tótenshe jaǵdaı rejımi aıaqtalǵannan keıingi Úkimet pen basqa da memlekettik organdardyń aldaǵy strategııalyq is-áreketin aıqyndaıtyn málimdeme jasaýdy josparlap otyr" dep jazdy Berik Ýálı óziniń habarlamasynda.
