"ۇلى كوشتىڭ" ۋاقىتى كەلدى

1) سۋ باسقان ايماقتاردا سۋدىڭ بيىكتىگى 1-3 مەتىرگە دەيىن جەتكەنىن بىلەمىز. ول سۋدىڭ ورنىنا ءدال بيىل قۇرلىس جۇمىستارىن جۇرگىزۋ قانشالىقتى دۇرىس؟

2) جەراستى سۋىنىڭ جوعارعى قاباتى وتە جاقىن ورنالاسقان. داريانىڭ سۋى كوتەرىلگەندە ول وزگەرىپ وتىرادى.

3) سۋ باسقان ايماقتىڭ ورنىنا قانشا ۋاقىتتان كەيىن قۇرلىس سالۋعا بولادى؟

4) ادام سانى تىعىز ورنالاسقاندىقتان، جەر تەلىمدەرىنىڭ تاپشىلىعى جوعارى.

5) بولاشاقتا بولۋى مۇمكىن اپاتتاردىڭ زاردابىنىڭ قاۋىپى جوعارى بولىپ قالا بەرمەك.

6) تولىق قالپىنا كەلتىرۋ جۇمىستارىنا كەتەتىن شىعىننىڭ كوپتىگى. ويتكەنى، فۋندامەنتتەن باستاپ شاتىرىنا دەيىن ساپالى قۇرلىس جۇمىسىن جۇرگىزۋ، وتە ۇلكەن قارجىنى تالاپ ەتەدى.

7) سولتۇستىكتەگى بوساپ جاتقان اۋىلداردان تەگىن ۇيمەن جەر بەرىپ، ديحانشىلىق جۇمىستارىمەن اينالىسۋلارىنا مەملەكەتتىك قولداۋ جاسالسا، اۋىل-ايماق بولىپ كوشىپ بارىپ سىڭىسۋلەرى جەڭىل بولماق.

8) ول جاققا بارعاندا كادرلىك تاپشىلىق بولمايدى. 30 000 جانۇيانى سولتۇستىككە كوشىرۋ ارقىلى، سول جاقتى قازاقىلاندىرۋعا ۇلكەن ەكپىن بەرەدى. ويتكەنى، مۇعالىمىدەر مەن اكىمشىلىك قىزمەتكەرلەرى، مەديتسينا ماماندارى، قۇقىق قورعاۋ سالا قىزمەتكەرلەرىنىڭ بارلىعى سول كوشپەن بىرگە بارادى.

9) ول جاقتا ديحانداردىڭ ونىمدەرىن رەسەيدىڭ نارىعىنا شىعارۋعا وڭاي، ءارى شىعىنىدا از بولماق. بۇل دەگەن ءسوز --- ءونىمنىڭ رەسەي نارىعىنداعى باعاسىن ازايتىپ، رەسەيدىڭ نارىعىندا باسەكەلەسۋ وتە جەڭىل بولادى.

10) ديحانداردىڭ بارلىعىنىڭ شىعىندارىن ەسەپتەپ سولتۇستىكتەگى جاڭا ومىرلەرىنە باعىتتاپ، سول جاقتا تۇراقتاپ قالۋلارىنا بارىنشا جاعداي جاسالسا(ينتەرنەت، گاز، سۋ ت.ب),
كەلەشەكتە سولتۇستىككە كوشەتىن حالىقتىڭ سانى ارتاتىنىنا سەنىممەن قاراۋعا بولادى.

بۇل ۇسىنىستىڭ مەملەكەتتىك ستراتەگيالىقتا ماڭىزىدا بار.
ۇكىمەتتىڭ قولىنداعى ءوز رەسۋروستارىن پايدالانا وتىرىپ بۇل جوبانى ىسكە اسىرۋ، سونشالىق قيىن شارۋا ەمەس.

ول ءۇشىن ەڭ ءبىرىنشى كەزەكتە اتقارىلۋى ءتيىس:

1) اۋىلدىڭ بەلسەندى ازاماتتارىمەن اقساقالدارى، جۋرناليست-بلوگەر، اكىمشىلىكتىڭ جاۋاپتى ماماندارىنان قۇرالعان توپ جاساقتاپ، سولتۇستىك وبلىستارداعى اۋداندان باسشىلارىمەن كەزدەسىپ، جەر-سۋ ماسەلەلەرىن زەرتتەپ قايتۋعا ارنايى دەلەگات جىبەرىلۋى كەرەك.

2) سول جاقتاعى مۇمكىندىكتەرمەن جەڭىلدىكتەر جايلى جۇيەلى تۇسىندىرمە جۇمىستارىن جۇرگىزۋ كەرەك.

3) سولتۇستىك جانە وڭتۇستىك اكىمدەرى تۇراقتى تىعىز بايلانىس ورناتىپ، كوشىپ بارعان حالىقتىڭ جاي-كۇيىنە 2-3 جىلعا دەيىن بىردەي جاۋاپكەرشىلىكپەن قاراۋلارى كەرەك.

سەڭ قوزعالسا، كوشتى جۇرە تۇزەتىپ الۋعا بولادى.

قازاقستاننىڭ كوپتەگەن قوعام بەلسەندىلەرى وسى ىسكە كومەكتەسۋگە دايىن!

رۋستەم اشەتاەۆ 

"بايتاق بولاشاق" رەسپۋبليكالىق ەكولوگيالىق اليانسىنىڭ

شىمكەنت قالالىق توراعاسى