الماتىدا قوعامدىق جۇمىسقا تارتىلعانداردىڭ ەڭبەكاقىسى 85 تەڭگەگە كوبەيەدى

2373
Adyrna.kz Telegram

الماتىدا «ەڭبەك» باعدارلاماسى اياسىندا ۋاقىتشا جۇمىس ىستەيتىن جۇمىسسىزدارعا قولداۋ كورسەتىلەدى. بۇل تۋرالى  قازاقپارات حابارلادى.

الماتى قالاسى حالىقتى جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆانىڭ ايتۋىنشا، بۇگىنگى كۇنگە دەيىن قوعامدىق جۇمىستارعا تارتىلعاندارعا 63,350 تەڭگە تولەنىپ كەلگەن. بۇل ەڭ تومەنگى جالاقى بولىپ سانالادى. ەندى ونىڭ باعاسى ايىنا 85 مىڭ تەڭگەگە كوبەيەتىن بولدى. ديرەكتور قوعامدىق جۇمىسقا 12 ادام الۋدى جوسپارلاپ وتىرعانىن،  قازىردىڭ وزىندە 2290 جۇمىسشى تارتىلعانىن ايتتى. كوشەلەر مەن ساياباقتاردى تازارتۋدان باسقا ەرىكتىلەر قىزمەتى دە قاراستىرىلعان ەكەن. وعان قارتتار مەن مۇگەدەكتەرگە قاراۋ سياقتى جۇمىس تۇرلەرى كىرەدى.

ديليارا يمانقۇلوۆا، الماتى قالاسى حالىقتى جۇمىسپەن قامتۋ ورتالىعىنىڭ ديرەكتورى:

– توتەنشە جاعدايعا بايلانىستى جەكە ۇيىمداردىڭ قىزمەتى توقتاپ تۇر. سايكەسىنشە، جۇمىسسىزدار سانى كوبەيۋدە. الەۋمەتتىك قولداۋ جانە حالىقتى قوعامدىق جۇمىستارعا تارتۋ ماقساتىندا باسقارما باسشىسىنىڭ بۇيرىعىمەن قوعامدىق جۇمىستارعا قاتىسۋشىلاردىڭ ەڭبەكاقىسى كوتەرىلىپ، ايىنا 85 مىڭ تەڭگە مولشەرىندە بەكىتىلدى.

پىكىرلەر