Almatyda «Eŋbek» baǧdarlamasy aiasynda uaqytşa jūmys ısteitın jūmyssyzdarǧa qoldau körsetıledı. Būl turaly QazAqparat habarlady.
Almaty qalasy halyqty jūmyspen qamtu ortalyǧynyŋ direktory Diliara İmanqūlovanyŋ aituynşa, bügıngı künge deiın qoǧamdyq jūmystarǧa tartylǧandarǧa 63,350 teŋge tölenıp kelgen. Būl eŋ tömengı jalaqy bolyp sanalady. Endı onyŋ baǧasy aiyna 85 myŋ teŋgege köbeietın boldy. Direktor qoǧamdyq jūmysqa 12 adam aludy josparlap otyrǧanyn, qazırdıŋ özınde 2290 jūmysşy tartylǧanyn aitty. Köşeler men saiabaqtardy tazartudan basqa erıktıler qyzmetı de qarastyrylǧan eken. Oǧan qarttar men mügedekterge qarau siiaqty jūmys türlerı kıredı.
Diliara İmanqūlova, Almaty qalasy halyqty jūmyspen qamtu ortalyǧynyŋ direktory: – Tötenşe jaǧdaiǧa bailanysty jeke ūiymdardyŋ qyzmetı toqtap tūr. Säikesınşe, jūmyssyzdar sany köbeiude. Äleumettık qoldau jäne halyqty qoǧamdyq jūmystarǧa tartu maqsatynda basqarma basşysynyŋ būiryǧymen qoǧamdyq jūmystarǧa qatysuşylardyŋ eŋbekaqysy köterılıp, aiyna 85 myŋ teŋge mölşerınde bekıtıldı.
