وزبەكستان تاراپى بىرىككەن ۇلتتار ۇيىمىنىڭ كونۆەنتسياسىن ورەسكەل بۇزعان. قازاقستان "ساردوبا" سۋ قويماسىنا قاتىستى وزبەكستانعا نارازىلىق نوتاسىن دايىنداپ جاتىر. بۇل تۋرالى حابارلايدى inbusiness.kz.
"بۇل تۋرالى ارنامىزعا ەكسكليۋزيۆتى سۇحبات بەرگەن ەكولوگيا، گەولوگيا جانە تابيعي رەسۋرستار ۆيتسە-ءمينيسترى سەرگەي گروموۆ مالىمدەدى. ۆيتسە-ءمينيستردىڭ ايتۋىنشا، الا شاپاندى اعايىندار الىپ بوگەتتىڭ قۇرىلىسىن قازاقستاندىق تاراپپەن اقىلداسپاستان باستاپ كەتكەن. ال ترانسشەكارالىق نىسانداردىڭ بارلىعى حالىقارالىق ەرەجەگە ساي، ىرگەلەس جاتقان ەلمەن كەلىسسوز جۇرگىزۋ نەگىزىندە سالىنۋى كەرەك. وسىلايشا وزبەكستان تاراپى بىرىككەن ۇلتتار ۇيىمىنىڭ كونۆەنتسياسىن ورەسكەل بۇزعان. ەكى ەلگە ورتاق ەسەپپەن ايتساق، 276 مىڭ شارشى شاقىرىم اۋماقتى سۋ باسقان. ونىڭ 80 مىڭ شارشى شاقىرىمعا جۋىعى قازاقستان اۋماعىندا", - دەلىنگەن.
