الماتىداعى تەرگەۋ يزولياتورىندا قوردايداعى تارتىپسىزدىكتەرگە قاتىسقان كۇدىكتى قايتىس بولدى، دەپ حابارلايدى "ادىرنا" باس پروكۋراتۋرانىڭ ءباسپاسوز قىزمەتىنە سىلتەمە جاساپ.
"2020 جىلدىڭ 29 ءساۋىرى تاڭعى ساعات 08.00-دە الماتى قالاسىنىڭ تەرگەۋ يزولياتورىندا قاماۋعا الىنعان ازامات كيباەۆ بەكبول مۋحامەدوۆيچ سول قولىنىڭ بىلەك تۇسى كەسىلگەن كۇيىندە دارەتحانادان تابىلدى. ونى كامەرادا بىرگە وتىرعاندار تاپقان", - دەلىنگەن اقپاراتتا.
وعان يزولياتوردىڭ مەديتسينا قىزمەتكەرلەرى بىردەن العاشقى مەديتسينالىق كومەك كورسەتكەنىمەن، ءومىرىن ساقتاپ قالا المادى.
شاقىرتۋ بويىنشا كەلگەن جەدەل جاردەم ونىڭ قايتىس بولعانىن تىركەدى. ءولىمنىڭ الدىن الا سەبەبى كوپ قان جوعالتۋ بولۋى مۇمكىن دەلىنگەن.
"كيباەۆ بەكبول جامبىل وبلىسى قورداي اۋدانىنداعى جاپپاي تارتىپسىزدىككە قاتىسقانى ءۇشىن ۇستالىپ، تەرگەۋ يزولياتورىنا قاماۋعا الىنعان بولاتىن",- دەلىنگەن اقپاراتتا.
وقىس وقيعا بويىنشا الماتى قالاسىنىڭ ارنايى پروكۋرورلارى سوتقا دەيىنگى تەرگەپ-تەكسەرۋ جۇمىستارىن جۇرگىزىپ جاتىر.
ەستەرىڭىزگە سالا كەتسەك، جامبىل وبلىسىنىڭ قورداي اۋدانىندا 7 اقپانعا قاراعان ءتۇنى جاپپاي توبەلەس بولدى. قايعىلى وقيعا سالدارىنان ون ءبىر ادام قازا بولدى دەلىنگەن رەسمي مالىمدەمەدە.
"ادىرنا" ۇلتتىق پورتالى
