Almatydaǵy tergeý ızolıatorynda Qordaıdaǵy tártipsizdikterge qatysqan kúdikti qaıtys boldy, dep habarlaıdy "Adyrna" Bas prokýratýranyń baspasóz qyzmetine silteme jasap.
"2020 jyldyń 29 sáýiri tańǵy saǵat 08.00-de Almaty qalasynyń tergeý ızolıatorynda qamaýǵa alynǵan azamat Kıbaev Bekbol Mýhamedovıch sol qolynyń bilek tusy kesilgen kúıinde dárethanadan tabyldy. Ony kamerada birge otyrǵandar tapqan", - delingen aqparatta.
Oǵan ızolıatordyń medıına qyzmetkerleri birden alǵashqy medıınalyq kómek kórsetkenimen, ómirin saqtap qala almady.
Shaqyrtý boıynsha kelgen jedel járdem onyń qaıtys bolǵanyn tirkedi. Ólimniń aldyn ala sebebi kóp qan joǵaltý bolýy múmkin delingen.
"Kıbaev Bekbol Jambyl oblysy Qordaı aýdanyndaǵy jappaı tártipsizdikke qatysqany úshin ustalyp, tergeý ızolıatoryna qamaýǵa alynǵan bolatyn",- delingen aqparatta.
Oqys oqıǵa boıynsha Almaty qalasynyń arnaıy prokýrorlary sotqa deıingi tergep-tekserý jumystaryn júrgizip jatyr.
Esterińizge sala ketsek, Jambyl oblysynyń Qordaı aýdanynda 7 aqpanǵa qaraǵan túni jappaı tóbeles boldy. Qaıǵyly oqıǵa saldarynan on bir adam qaza boldy delingen resmı málimdemede.
"Adyrna" ulttyq portaly
