27 ساۋىردە تاجىكستان ءسىم قازاقستانداعى ارىپتەستەرىنە نوتا جىبەرىپ، الەۋمەتتىك جەلىلەردە "پاترۋل" سەريالىنان ۇزىندىلەر كورسەتىلگەن ۆيدەولارعا قاتىستى جاۋاپ بەرۋدى تالاپ ەتتى. تاجىكستان مينيسترلىگى سەريالدى تۇسىرگەن «BAS production-نان» جانە ونىڭ تاپسىرىس بەرۋشىسى نتك كومپانياسىنان جالا جاپقانى ءۇشىن جانە «ەتنيكالىق ارازدىقتى قوزدىرۋعا باعىتتالعان قاساقانا ءىس-قيمىلدار» ءۇشىن ولاردىڭ «قىزمەتىنە قۇقىقتىق باعا بەرۋدى» تالاپ ەتتى. بۇل تۋرالى تاجىكستان سىرتقى ىستەر مينيسترلىگىنىڭ اقپارات جانە ءباسپاسوز ءبولىمى حابارلادى.
«پاترۋل» ءفيلمىنىڭ ءبىر ەپيزودىندا پوليتسيا ورىس جانە قازاق تىلدەرىن بىلمەيتىن ميگرانتتى ۇستايدى. ۇستالعان ادام وزبەكشە سويلەيدى، بىراق پوليتسيا قىزمەتكەرلەرى ونى تاجىك دەپ قاتەلەسىپ، بولىمگە اپارادى. ول ءدالىزدى بوياۋعا جانە كولىكتى جۋعا ءماجبۇر بولادى. اياعىندا، بۇل ەلشىلىككە باراتىن جولدان اداسقان تاجىكستاننىڭ ەلشىسى بولىپ شىعادى.
"ادىرنا" ۇلتتىق پورتالى
