سولتۇستىك كورەيانىڭ پرەزيدەنتى كيم چەن ىن جۇرەگىنە جاساعان وتاعا توتەپ بەرە الماي، ومىرىمەن قوش ايتىستى. بۇل تۋرالى "New York Post" حابارلادى. كحدر كوشباسشىسىنىڭ ءبىراز ۋاقىت كومادا جاتقاندىعى ايتىلادى.
جۋىردا عانا كوپتەگەن باق قۇرالدارى كيم چەن ىننىڭ كوپتەن بەرى كوپشىلىك الدىنا شىقپاي جۇرگەنىن بىرنەشە رەت اتاعان. ال 21 ساۋىردە CNN اقش-تىڭ بارلاۋ قىزمەتىنە سىلتەمە جاساپ كيم چەن ىننىڭ جاعدايى ناشارلاعانىن ايتقان. بىراق بۇل اقپاراتتى كحدر-دىڭ مەملەكەتتىك ارناسى "Yonhap News" جوققا شىعارعان. وسى ۋاقىتتا وڭتۇستىك كورەيالىق باق كورشى ارىپتەستەرىن قولداعان. اقش پرەزيدەنتى دونالد ترامپ تا كيم چەن ىن دەنساۋلىعىنىڭ ناشارلاۋى تۋرالى قاتەلەسكەنىن مويىنداعان.
ەسكەرتە كەتەيىك، كحدر رەسمي مالىمدەمە جاسامادى.
"ادىرنا" ۇلتتىق پورتالى
