بۇگىن الماتى وبلىسىندا كوروناۆيرۋستى تاعى 13 ادامنىڭ جۇقتىرعانى بەلگىلى بولدى. بۇل تۋرالى "ادىرنا" الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ حابارلايدى.
ىندەتكە شالدىققانداردىڭ 9-ى ىلە اۋدانىنىڭ، 3-ەۋى – قاپشاعاي قالاسىنىڭ تۇرعىندارى بولسا، 1-ەۋى ۋكراينا ازاماتى.
اۋرۋ جۇقتىرعانداردىڭ ەڭ كىشىسى - 8 ايلىق ءسابي، ەڭ ۇلكەنى - 1952 جىلى تۋعان ازامات. ولارمەن 39 ادامنىڭ قارىم-قاتىناستا بولعانى انىقتالدى. بايلانىستا بولعانداردىڭ بارلىعى دارىگەرلەردىڭ باقىلاۋىنا الىندى، ولارعا ۆيرۋسولوگيالىق زەرتتەۋ جۇرگىزىلۋدە.
الماتى وبلىسىندا ىندەت جۇقتىرعاندار سانى 86-عا جەتتى.
"ادىرنا" ۇلتتىق پورتالى
