ەلىمىزدىڭ ءىىم وكىلدەرىنىڭ مالىمدەۋىنشە، قازاقستانعا كەلگەن قىتاي دارىگەرلەرى ەلدەرىنە قايتتى. ولاردى قىتايعا قازاقستاننىڭ اسكەري ۇشاقتارى جەتكىزىپ سالعان.
ەسكە سالايىق، بۇدان بۇرىن قىتاي ەلىنەن 10 دارىگەر قازاقستانعا 45 كۇنگە كەلگەن. وسى ۋاقىت ارالىعىندا ولار مەديتسينالىق نىسانداردى ارالاپ، ءتۇرلى سەمينارلار، ترەنينگتەر وتكىزدى. كوروناۆيرۋس ينفەكتسياسىمەن كۇرەس جولىنداعى تاجىريبەلەرىمەن ءبولىستى.
شارالارعا اسكەري دارىگەرلەر دا قاتىستى. ولار قازىرگى ۋاقىتتا كوروناۆيرۋسپەن كۇرەسۋدە ۇلكەن كۇش بولىپ، قىزمەت جاساپ جاتىر.
قىتايلىقتار 15 كۇن ىشىندە 44 ونلاين جانە وففلاين كونفەرەنتسيا، 35 لەكتسيا جانە ترەنينگ وتكىزىپ، 10 790 ادامدى وقىتقان، 500-دەن اسا سۇراققا جاۋاپ بەرگەن.
قازىر قازاقستاندا مەديتسينا قىزمەتكەرلەرى جاپپاي ينفەكتسيا جۇقتىرۋدا. قىتاي دارىگەرلەرى بۇعان الاڭداۋشىلىق بىلدىرگەن.
ەسكە سالايىق، كوروناۆيرۋستى ەمدەۋدە قازاقستان دارىگەرلەرىنە كونسۋلتاتسيالىق جانە پراكتيكالىق قولعابىس كورسەتۋ جانە ۆيرۋستىڭ ودان ءارى تارالۋىنا جول بەرمەۋ بويىنشا تاجىريبە الماسۋ ماقساتىندا 2020 جىلعى 9 ساۋىردە قىتاي حالىق رەسپۋبليكاسىنان نۇر-سۇلتانعا ارنايى بورتپەن قىتاي دارىگەرلەر توبى كەلگەن بولاتىن. بۇل توپ كوروناۆيرۋستىق ينفەكتسيانىڭ الدىن الۋ جانە ونى ەمدەۋ بويىنشا باي تاجىريبەسى بار جوعارى بىلىكتى مەديتسينالىق قىزمەتكەرلەردەن قۇرالعان. اتالمىش رەيسپەن مەديتسينالىق قورعاۋ زاتتارى تۇرىندە سالماعى 4 توننادان استام قىتاي حالىق رەسپۋبليكاسى ۇكىمەتىنىڭ گۋمانيتارلىق جۇگى جەتكىزىلدى (وكپەنى جاساندى جەلدەتۋ اپپاراتتارى، حيرۋرگيالىق بەتپەردەلەر، قورعاۋ كوستيۋمدەرى). جالپى، قازاقستان مەن قىتايدىڭ كوروناۆيرۋس ىندەتىمەن كۇرەستەگى ىنتىماقتاستىعى قر پرەزيدەنتى ق.توقاەۆتىڭ قحر پرەزيدەنتى سي تسزينپەنمەن (24 ناۋرىز) تەلەفونمەن سويلەسۋى بارىسىندا قول جەتكىزىلگەن ۋاعدالاستىقتار اياسىندا بەلسەندى تۇردە ىسكە اسىرىلدى.
Zhasalash.kz
