بۇگىن اقپاراتتىق-كوممۋنيكاتسيالىق ورتالىعىندا قالا اكىمىنىڭ ورىنباسارى ماقسۇت يساحوۆتىڭ قاتىسۋىمەن شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 2 ساۋىردەگى №9 قاۋلىسىنا ەنگىزىلگەن وزگەرىستەر جونىندە ونلاين-بريفينگ ءوتتى.
- اتالعان قاۋلى بويىنشا اۋىلشارۋاشىلىعىنا قاتىستى جانە تاعى دا ەكى ساناتقا قوسىمشا وزگەرىستەر ەنگىزىلدى. كارانتين كەزىندە مۇقتاج جانە زارداپ شەككەندەرگە، قارت ادامدارعا ۆولەنتەرلىك كومەك كورسەتەتىن قايىرىمدىلىق قورلاردىڭ (ادىلەت ۇيىمدارىنا تىركەلگەن جاعدايدا) قوزعالىسىنا رۇقسات بەرىلدى. سونىمەن قاتار قالا تۇرعىندارىنىڭ ءومىر ءسۇرۋ تىرشىلىگىنە اسا قاجەتتى بولعاندىقتان، «قازتەلەراديو» اق كومپانياسىنىڭ قىزمەتكەرلەرىنە رۇقسات ەتىلىپ وتىر. قاۋلىدا ەنگىزىلگەن تاعى ءبىر وزگەرىستىڭ ءبىرى، اۋىلشارۋشىلىعىنا قاتىستى، ياعني كوكتەمگى دالا جۇمىستارىن، تابيعاتتى قورعاۋ، ۆەتەريناريالىق، اۋىل شارۋاشىلىعى، سونداي-اق، ارا شارۋاشىلىعى ءىس-شارالارىن جۇرگىزۋگە، ونى راستايتىن مەملەكەتتىك تىركەۋ كۋالىكتى (شارۋا قوجالىعى، فەرمەرلىك شارۋاشىلىق، جاۋاپكەرشىلىگى شەكتەۋلى سەرىكتەستىك، اۋىل شارۋاشىلىعى تاۋارىن ءوندىرۋشى، كرەديتتىك سەرىكتەستىك جانە شارۋاشىلىق جۇرگىزۋ قۇقىعىنداعى مەملەكەتتىك كوممۋنالدىق كاسىپورىن، جەكە كاسىپكەر), جەكە كۋالىكتى، سونداي-اق، جۇمىسكەرلەر ءۇشىن جۇمىس ورنىنان انىقتاماسىن (مورىمەن كۋالاندىرىلعان ەركىن ۇلگىدەگى انىقتاما) ۇسىنعان كەزدە جانە ولاردىڭ كولىكتەرى بلوك-بەكەتتەردەن كەدەرگىسىز وتكىزىلەدى. بۇل رەتتە كولىك قوزعالىسى تولىق باقىلاۋدا. اتالعان قاۋلى 2020 جىلعى 22 ساۋىردەن قولدانىسقا ەنگىزىلدى، - دەدى ماقسۇت يساحوۆ.
ەسكە سالا كەتسەك، شىمكەنت قالاسىنىڭ بارلىق اۋماعىندا 2020 جىلدىڭ 19 ءساۋىرى ساعات 00:00-دەن باستاپ 01.05.2020 جىلى ساعات 07.00-گە دەيىن بىرقاتار شەكتەۋلەر ەنگىزىلگەن بولاتىن. وعان سايكەس، ايىرباستاۋ پۋنكتتەرىنىڭ، ميكروفينانستىق ۇيىمداردىڭ قىزمەتىن ونلاين جۇمىس رەجيمىنە جانە «كليەنتتەرگە دەيىن جەتكىزۋ» ءپرينتسيپى بويىنشا كوشىرۋ ارقىلى ۋاقىتشا شەكتەلدى. سونىمەن بىرگە، قالادا قوعامدىق كولىكتەر جۇمىسىن ۋاقىتشا توقتاتتى.
شىمكەنت
