Búgin aqparattyq-kommýnıkaııalyq ortalyǵynda qala ákiminiń orynbasary Maqsut Isahovtyń qatysýymen Shymkent qalasynyń Bas memlekettik sanıtarııalyq dárigeriniń 2020 jylǵy 2 sáýirdegi №9 qaýlysyna engizilgen ózgerister jóninde onlaın-brıfıng ótti.
- Atalǵan qaýly boıynsha aýylsharýashylyǵyna qatysty jáne taǵy da eki sanatqa qosymsha ózgerister engizildi. Karantın kezinde muqtaj jáne zardap shekkenderge, qart adamdarǵa volenterlik kómek kórsetetin qaıyrymdylyq qorlardyń (ádilet uıymdaryna tirkelgen jaǵdaıda) qozǵalysyna ruqsat berildi. Sonymen qatar qala turǵyndarynyń ómir súrý tirshiligine asa qajetti bolǵandyqtan, «Qazteleradıo» AQ kompanııasynyń qyzmetkerlerine ruqsat etilip otyr. Qaýlyda engizilgen taǵy bir ózgeristiń biri, aýylsharýshylyǵyna qatysty, ıaǵnı kóktemgi dala jumystaryn, tabıǵatty qorǵaý, veterınarııalyq, aýyl sharýashylyǵy, sondaı-aq, ara sharýashylyǵy is-sharalaryn júrgizýge, ony rastaıtyn memlekettik tirkeý kýálikti (sharýa qojalyǵy, fermerlik sharýashylyq, jaýapkershiligi shekteýli seriktestik, aýyl sharýashylyǵy taýaryn óndirýshi, kredıttik seriktestik jáne sharýashylyq júrgizý quqyǵyndaǵy memlekettik kommýnaldyq kásiporyn, jeke kásipker), jeke kýálikti, sondaı-aq, jumyskerler úshin jumys ornynan anyqtamasyn (mórimen kýálandyrylǵan erkin úlgidegi anyqtama) usynǵan kezde jáne olardyń kólikteri blok-beketterden kedergisiz ótkiziledi. Bul rette kólik qozǵalysy tolyq baqylaýda. Atalǵan qaýly 2020 jylǵy 22 sáýirden qoldanysqa engizildi, - dedi Maqsut Isahov.
Eske sala ketsek, Shymkent qalasynyń barlyq aýmaǵynda 2020 jyldyń 19 sáýiri saǵat 00:00-den bastap 01.05.2020 jyly saǵat 07.00-ge deıin birqatar shekteýler engizilgen bolatyn. Oǵan sáıkes, aıyrbastaý pýnktteriniń, mıkrofınanstyq uıymdardyń qyzmetin onlaın jumys rejımine jáne «klıentterge deıin jetkizý» prınıpi boıynsha kóshirý arqyly ýaqytsha shekteldi. Sonymen birge, qalada qoǵamdyq kólikter jumysyn ýaqytsha toqtatty.
Shymkent
