كوروناۆيرۋس ينفەكتسياسىنا بايلانىستى ەل اۋماعىندا جاريالانعان توتەنشە جاعدايعا وراي، شىمكەنت قالاسى تۇرعىندارىن مازالاعان ماسەلەلەلەر بويىنشا تۋىنداعان ساۋالدارعا شۇعىل ءارى تۇششىمدى جاۋاپ بەرۋ ماقساتىندا ارنايى «Call ورتالىق» جۇمىسىن باستاعان بولاتىن.
ورتالىق ماماندارى 22 ناۋرىز بەن 9 ءساۋىر ارالىعىندا قوڭىراۋ شالعان 8707 ازاماتقا جاۋاپ بەرسە، 9-19 ءساۋىر ارالىعىنداعى ون كۇندە تۇرعىندار قويعان 13253 ساۋالدى تىڭداپ، ناقتى جاۋاپ بەردى.
ءوز كەزەگىندە ورتالىقتىڭ 39-50-55 نومىرىنە جالعانعان كوپكانالدى تەلەفون تۇتقاسىندا وتىراتىن سالا ماماندارى ءاربىر ازاماتتىڭ ايتقان ساۋالىنا بايلانىستى كاسىبي كومەك كورسەتۋدە.
2020 جىلعى 9-19 ءساۋىر ارالىعىندا شىمكەنت قالاسىنداعى «سall ورتالىققا» تۇسكەن ساۋالدار:
• كاسىپكەرلىك جانە قالا ىشىندەگى قوزعالىس تۋرالى– 6536;
• كوممۋنالدىق ماسەلەلەر بويىنشا – 2351;
• الەۋمەتتىك كومەك جايلى – 2310;
• بلوك-بەكەتتەر تۋرالى – 1173;
• جولداردىڭ جابىلۋى مەن تاسىمالداۋ بويىنشا – 719;
• دەنساۋلىك ساقتاۋعا قاتىستى – 119;
• دەزينفەكتسيالاۋ، قاشىقتان وقىتۋ جانە ت.ب. ماسەلەلەر جايلى – 45.
شىمكەنت
