اباي اۋدانىندا دەزينفەكتسيالاۋ جۇمىستارى قارقىندى جۇرۋدە. بۇگىنگە دەيىن اۋدانداعى 31 شاعىناۋدان مەن تۇرعىن الابىنداعى 582 كوشە دارىلەۋ جۇمىستارىنان ءوتتى. بۇل جۇمىستارعا 8 ارنايى تەحنيكا مەن 130 اسكەري قىزمەتشى جۇمىلدىرىلدى.
اۋدان اۋماعىنداعى وقشاۋلانعان 6 نىسانداعى جاعداي ءجىتى باقىلاۋعا الىنىپ، تۇرعىندارعا قاجەتتى زاتتاردى جەتكىزۋ جۇيەلەندى.
كارانتينگە جابىلعان ايماقتارداعى تۇرعىندارعا «Biz Birgemiz» اكتسياسى اياسىندا جانە دەمەۋشىەر ەسەبىنەن ازىق-تۇلىكتەر تەگىن تاراتىلدى. بۇگىندە دەيىن 1790 وتباسىعا، 2368 ازىق-تۇلىك پاكەتى تابىستالدى. 892 وتباسىعا تيەسىلى كومەكتەر ۇلەستىرىلۋدە.
كوپ بالالى وتباسىلار مەن جاعدايى تومەن وتباسىلارعا 32 مىڭ بەتپەردە تاراتىلىپ، «Biz Birgemiz» اكتسياسى اياسىنا 55 جاستان اسقان ازاماتتار مەن زەينەتكەرلەرگە جانە مۇمكىندىگى شەكتەۋلى ازاماتتارعا 330 مىڭ بەتپەردە تاراتىلدى.
ىندەتتىڭ الدىن الۋ ماقساتىندا اۋدان اۋماعىندا ورنالاسقان بانك فيليالدارىندا ساقتىق شارالارى قولعا الىنىپ، كەلۋشىلەر ءۇشىن ارنايى كۇتۋ ورىندارى ازىرلەندى. اۋداندا بەتپەردەلىك رەجيمدى ساقتاۋ قاتاڭ باقىلاۋعا الىنعان.
