ابىلداەۆ دارىگەرلەردىڭ ۇستەماقىسى جايلى سۇراققا جاۋاپ بەردى

2381
Adyrna.kz Telegram

باسقارما باسشىسىنىڭ سوزىنە قاراعاندا  تىزىمگە ەنبەگەن مەديتسينا قىزمەتكەرلەرىنە مەديتسينالىق ۇيىمداردىڭ جالاقى قورىنان قارجىلاي قولداۋ كورسەتىلەدى ەكەن.

بۇدان بولەك، جەرگىلىكتى بيۋدجەتتىڭ ەسەبىنەن قوسىمشا قولداۋ ماسەلەلەرى دە بولىپ جاتقانىن اتاپ ءوتتى. ابىلداەۆ قازىر 3 758 قىزمەتكەرگە 1 ميلليارد 200 ميلليون تەڭگە تولەنگەنىن ايتتى. قازىرگى ۋاقىتتا مەديتسينالىق جەدەل جاردەم قىزمەتىنىڭ قىزمەتكەرلەرىنە تولەم جۇرگىزىلۋدە.

ەستەرىڭىزگە سالا كەتەيىك، كوروناۆيرۋس ەپيدەمياسىمەن كۇرەسىپ جاتقان دارىگەرلەرگە ءۇش اي بويى جالاقىسىنا ۇستەمەاقى تولەنەدى.

مەديتسينا قىزمەتكەرلەرى جۇمىسىنىڭ قاۋىپتىلىگىنە قاراي ءۇش توپقا بولىنگەن:

  • "قاۋىپتىلىگى اسا جوعارى" — جانساقتاۋ بولىمشەلەرىن قوسا العاندا، ينفەكتسيالىق ستاتسيونارلاردىڭ دارىگەرلەرى، ورتا جانە كىشى مەديتسينا قىزمەتكەرلەرى. ۇستەمەاقى - 850 مىڭ تەڭگە;
  • "قاۋىپتىلىگى جوعارى" – پروۆيزورلىق ستاتسيونارلار مەن جەدەل جاردەم دارىگەرلەرى، ورتا جانە كىشى مەديتسينا قىزمەتكەرلەرى. ولارعا 425 مىڭ تەڭگە تولەنەدى;
  • "قاۋىپتىلىگى ورتاشا" – كارانتيندىك ستاتسيونارلارداعى دارىگەرلەر، ورتا جانە كىشى مەديتسينا قىزمەتكەرلەرى، سانيتارلىق دارىگەرلەر (مەملەكەتتىك قىزمەتكەرلەر), جەدەل جاردەم جۇرگىزۋشىلەرى جانە ت. ب. ۇستەمەاقى 212,5 مىڭ تەڭگەنى قۇرايدى.

ەگەر، مەديتسينا قىزمەتكەرى كوروناۆيرۋس جۇقتىرىپ العان جاعدايدا، مەملەكەتتىك الەۋمەتتىك ساقتاندىرۋ قورىنان بولىنەتىن 2 ميلليون تەڭگە تولەنەدى. ەگەر قايتىس بولسا، 10 ميلليون تەڭگە وتەماقىعا دەيىن تولەنەدى.

 

پىكىرلەر