Reseıde Jeńis sherýi keıinge qaldy

2738
Adyrna.kz Telegram

Reseı prezıdenti Vladımır Pýtın Ekinshi dúnıejúzilik soǵystaǵy Jeńistiń 75 jyldyǵyna arnalǵan sherý keıinge shegerilgenin málimdedi. Prezıdent buny Qaýipsizdik keńesiniń jınalysynda aıtty, dep jazady centralasian.org.

Pýtınniń málimdeýinshe, "epıdemııanyń kúsheıý kezeńi artta qalǵanyna qaramastan, aýrý juqtyrý qaýpi seıilgen joq". Sol sebepti ol Jeńis sherýi men basqa da kópshilik is-sharalarǵa daıyndyqty keıinge qaldyrýdy tapsyrdy.

"Biz koronavırýs qaýpi seıilgen soń Jeńis kúnine arnalǵan barlyq is-sharalardy bıyl ótkizemiz, Máskeýde de sherý bolady, "Máńgilik polk" marshy da uıymdastyrylady", - dep málimdedi prezıdent.

Bunyń aldynda Reseıdegi ardagerler uıymdary prezıdentten Jeńis sherýin keıinge qaldyrýyn suraǵan.

Reseıde koronavırýs barlyq aımaqtarda tirkeldi. Sársenbi kúni elde 3448 adamnyń COVID-19 koronavırýsyn juqtyrǵany anyqtaldy. Reseıde 27 938 adam koronavırýs juqtyrǵan, 232 adam qaıtys bolǵan, 2304 adam aýrýdan aıyqqan.

Pikirler