«ەلىمىز جاڭا تاريحي كەزەڭگە اياق باستى. مەن جىل باسىنداعى حالىققا جولداۋىمدا قازاقستاننىڭ ءۇشىنشى جاڭعىرۋى باستالعانىن جاريالادىم.
وسىلايشا، ءبىز قايتا تۇلەۋدىڭ ايرىقشا ماڭىزدى ەكى پروتسەسى – ساياسي رەفورما مەن ەكونوميكالىق جاڭعىرۋدى قولعا الدىق.
ءبىزدىڭ ماقساتىمىز ايقىن، باعىتىمىز بەلگىلى، ول – الەمدەگى ەڭ دامىعان 30 ەلدىڭ قاتارىنا قوسىلۋ». وسىلاي باستالاتىن ەلباسىمىزدىڭ «بولاشاققا باعدار: رۋحاني جاڭعىرۋ» اتتى ماقالاسى بارىمىزگە بەلگىلى.
وسى ماقالا توڭىرەگىندە ەلىمىزدە بىرقاتار ءىس-شارالار، باعدارلامالار جۇزەگە اسىرىلۋدا. سولاردىڭ ىشىندە اتاپ ايتالىق «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى. بۇل جوبا اياسىندا ۇلتتىق اۋدارما بيۋروسى قۇرىلدى. سونىڭ ناتيجەسىندە جوبا ءوز جەمىسىن بەردى. مالىمەتتەردى 100kitap.kz سايتىنا كىرىپ وقي الاسىز.
تاعى دا بىرقاتار باعدارلامالاردىڭ ءبىرى «تۋعان جەر» باعدارلاماسى. «تۋعان جەر» باعدارلاماسى بويىنشا رەسپۋبليكا دەڭگەيىندە 12 مىڭنان اسا ءىس-شارا وتكىزىلدى. جوبا اياسىندا 2019 جىلى 825 جاڭا نىسان سالىندى جانە 547 نىسان جاڭارتىلدى.
«قازاقستاننىڭ كيەلى جەرلەرىنىڭ گەوگرافياسى» جوباسى اياسىندا ولكەدەگى كيەلى ورىنداردى انىقتاۋ، قايتا قالپىنا كەلتىرۋ جۇمىستارىن جۇرگىزۋ، ولاردىڭ كارتاسىن جاساۋ كوزدەلگەن. جوبانى جۇزەگە اسىرۋ ماقساتىندا ۇلتتىق مۋزەي جانىنان رەسپۋبليكالىق «قاسيەتتى قازاقستان» عىلىمي زەرتتەۋ ورتالىعى قۇرىلدى.
تاعى ءبىر بىرەگەي جوبالاردىڭ ءبىرى «قازاقستاننىڭ 100 جاڭا ەسىمى» جوباسى. 2019 جىلى «قازاقستانداعى 100 جاڭا ەسىم» جوباسىنا قاتىسۋ ءۇشىن جوبانىڭ 100zhanaesim.ruh.kz رەسمي سايتىندا ءوتىنىم قابىلداپ، ولار ونلاين داۋىس بەرۋ ارقىلى ىرىكتەلدى. سونىمەن قوسا، ولارعا كورنەكتى قوعام جانە مادەنيەت، سپورت قايراتكەرلەرى، بيزنەس وكىلدەرىن ءادىل قازىلىق ەتتى.
ماقالا اياسىندا قۇرىلعان قاي جوبانى الىپ قاراساقتا ءوز جەمىسىن، ناتيجەسىن بەرگەن. ۇلتىمىزدىڭ بىرەگەيلىگىن ساقتاۋعا نەگىزدەلگەن بۇل باعدارلامالار ءوز جالعاسىن تابادى دەپ سەنەمىز. ءسوزىمنىڭ سوڭىن ەلباسىمىزدىڭ سوزىمەن اياقتاعىم كەلىپ تۇر.
«جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى. ءومىر ءسۇرۋ ءۇشىن وزگەرە ءبىلۋ كەرەك. وعان كونبەگەندەر تاريحتىڭ شاڭىنا كومىلىپ قالا بەرەدى.»
باقتىباەۆا اقەركە،
ءال فارابي اتىنداعى قازۇۋ فيلولوگيا جانە
الەم تىلدەرى فاكۋلتەتىنىڭ ستۋدەنتى
جەتەكشىسى: ف.قوزىباقوۆا،
ءال فارابي اتىنداعى قازۇۋ ۋنيۆەرسيتەتى تاريح
جانە ارحەولوگيا، ەتنولوگيا فاكۋلتەتىنىڭ
قازاقستان تاريح كافەدراسىنىڭ پروفەسسورى.
