«Rýhanı jańǵyrý – ulttyń jańǵyrýy»

3668
Adyrna.kz Telegram

«Elimiz jańa tarıhı kezeńge aıaq basty. Men jyl basyndaǵy halyqqa Joldaýymda Qazaqstannyń úshinshi jańǵyrýy bastalǵanyn jarııaladym.

Osylaısha, biz qaıta túleýdiń aıryqsha mańyzdy eki proesi – saıası reforma men ekonomıkalyq jańǵyrýdy qolǵa aldyq.

Bizdiń maqsatymyz aıqyn, baǵytymyz belgili, ol – álemdegi eń damyǵan 30 eldiń qataryna qosylý». Osylaı bastalatyn elbasymyzdyń «Bolashaqqa baǵdar: Rýhanı jańǵyrý» atty maqalasy bárimizge belgili.

Osy maqala tóńireginde elimizde birqatar is-sharalar, baǵdarlamalar júzege asyrylýda. Solardyń ishinde atap aıtalyq «Jańa gýmanıtarlyq bilim. Qazaq tilindegi 100 jańa oqýlyq» jobasy. Bul joba aıasynda Ulttyq aýdarma bıýrosy quryldy. Sonyń nátıjesinde joba óz jemisin berdi. Málimetterdi 100kitap.kz saıtyna kirip oqı alasyz.

Taǵy da birqatar baǵdarlamalardyń biri «Týǵan jer» baǵdarlamasy. «Týǵan jer» baǵdarlamasy boıynsha respýblıka deńgeıinde 12 myńnan asa is-shara ótkizildi. Joba aıasynda 2019 jyly 825 jańa nysan salyndy jáne 547 nysan jańartyldy.

«Qazaqstannyń kıeli jerleriniń geografııasy» jobasy aıasynda ólkedegi kıeli oryndardy anyqtaý, qaıta qalpyna keltirý jumystaryn júrgizý, olardyń kartasyn jasaý kózdelgen. Jobany júzege asyrý maqsatynda Ulttyq mýzeı janynan respýblıkalyq «Qasıetti Qazaqstan» ǵylymı zertteý ortalyǵy quryldy.

Taǵy bir biregeı jobalardyń biri «Qazaqstannyń 100 jańa esimi» jobasy. 2019 jyly «Qazaqstandaǵy 100 jańa esim» jobasyna qatysý úshin jobanyń 100zhanaesim.ruh.kz resmı saıtynda ótinim qabyldap, olar onlaın daýys berý arqyly irikteldi. Sonymen qosa, olarǵa kórnekti qoǵam jáne mádenıet, sport qaıratkerleri, bıznes ókilderin ádil qazylyq etti.

Maqala aıasynda qurylǵan qaı jobany alyp qarasaqta óz jemisin, nátıjesin bergen. Ultymyzdyń biregeıligin saqtaýǵa negizdelgen bul baǵdarlamalar óz jalǵasyn tabady dep senemiz. Sózimniń sońyn Elbasymyzdyń sózimen aıaqtaǵym kelip tur.

«Jańa jaǵdaıda jańǵyrýǵa degen ishki umtylys – bizdiń damýymyzdyń eń basty qaǵıdasy. Ómir súrý úshin ózgere bilý kerek. Oǵan kónbegender tarıhtyń shańyna kómilip qala beredi.»

Baqtybaeva Aqerke,

Ál Farabı atyndaǵy QazUÝ Fılologııa jáne

álem tilderi fakýltetiniń stýdenti

Jetekshisi: F.Qozybaqova,

Ál Farabı atyndaǵy QazUÝ ýnıversıteti tarıh

jáne arheologııa, etnologııa fakýltetiniń

Qazaqstan tarıh kafedrasynyń professory.

Pikirler