شىمەكەنت قالاسىنىڭ «Shymkent city» قالاشىعىنداعى 16 قاباتتى تۇرعىن ۇيلەر ماۋسىم ايىندا ەل يگىلىگىنە بەرىلەدى.
بيىل تامىز ايىندا «Shymkent City» قالاشىعىندا 1048 پاتەرلى 16 كرەديتتىك تۇرعىن ءۇي مەن 2 ينجەنەرلىك ينفراقۇرىلىم نىسانى پايدالانۋعا بەرىلمەك. سونىمەن قاتار، اعىمداعى جىلى قالاشىقتا 4,3 ملرد تەڭگەگە جالپى ۇزىندىعى 13,8 شاقىرىمدى قۇرايتىن 7 كوشەنىڭ قۇرىلىسى اياقتالماق.
تاياۋدا شىمكەنت قالاسىنىڭ اكىمى م. ايتەنوۆ جاڭا قالاشىقتاعى سالىنىپ جاتقان تۇرعىن ۇيلەردى ارالاپ كورگەن بولاتىن. شاھار باسشىسى ءوز سوزىندە قاجەتتى قۇرىلىس ماتەريالدارىن تاسىمالداۋشى كولىكتەرگە قالادا ءجۇرىپ تۇرۋىنا ەشقانداي كەدەرگى بولماۋ كەرەكتىگىن اتاپ وتكەن ەدى.
قازىرگى كەزدە «Shymkent City»-دە فرانتسۋز ساۋلەت ستيلىندە 16 قاباتتى تۇرعىن ۇيلەر بوي كوتەرۋدە. تۇرعىن ءۇي كەشەنى اۋماعىندا زاماناۋي سپورت الاڭدارى، اۆتوتۇراق بار. قالا اكىمىنىڭ تاپسىرماسىنا سايكەس، ول تۇرعىن ۇيلەردىڭ 4-ءۋى ماۋسىم ايىندا، ياعني قالا كۇنىنە وراي تاپسىرىلماق.
اتالعان تۇرعىن ۇيلەردىڭ قۇرىلىسىن «وتاۋ ستروي» كومپانياسى جۇرگىزۋدە. باس ينجەنەر ابجات اكيموۆتىڭ ايتۋىنشا، قالاشىقتا 360 پاتەرلى تۇرعىن ءۇيدىڭ نەگىزگى بولىكتەرى اياقتالعان. قازىر ىشكى جوندەۋ جانە قاسبەتتەرىن قاپتاۋ جۇمىستارى ءجۇرىپ جاتىر.
سونىمەن قاتار، قالاشىقتا 1200 ورىندىق جاڭا مەكتەپتىڭ قۇرىلىسى اياقتالعان. ەندى سول ماڭنان بالاباقشا سالىنادى. وعان قاجەتتى ينجەنەرلىك-ينفراقۇرىلىم تارتىلعان. ءوز الدىنا ءمودۋلدى جىلىتۋ قازاندىعى بار. ول مەكەمەلەر مەن تۇرعىن ۇيلەردى جىل ون ەكى اي ىستىق سۋمەن قامتيدى.
ەسكە سالا كەتسەك، «Shymkent City» شاعىناۋدانىنىڭ جالپى اۋدانى - 427 گا، 12 ورامعا بولىنگەن. سونىڭ ىشىندە، مەملەكەت قارجىسى ەسەبىنەن 24,5 گا قۇرايتىن 1-ءشى ورامدا جالپى قۇنى 27 ملرد تەڭگەگە 43 نىساننىڭ قۇرىلىسى جوسپارلانعان. ونىڭ 39-ى - كوپقاباتتى تۇرعىن ءۇي. بۇگىنگى تاڭدا قالاشىقتا 25 نىسان پايدالانۋعا بەرىلگەن، 23 كوپقاباتتى تۇرعىن ۇيدەگى 1290 پاتەر ەل يگىلىگىندە.
شىمكەنت
