قوردايداعى قاقتىعىسقا قاتىسى بار دەلىنگەن 24 ادام الماتىدا قاماۋعا الىندى، - دەپ حابارلايدى Tengrinews.kz .
"بارلىق 24 ادام بۇلتارتپاۋ شاراسى رەتىندە ەكى ايعا قاماۋعا الىندى - مامىر ايىنىڭ سوڭىنا دەيىن. ولار قر قىلمىستىق كودەكسىنىڭ 272-بابىنىڭ 2-بولىگى بويىنشا ("كۇش قولدانۋمەن، قيراتۋمەن، ورتەۋمەن، بۇزۋمەن، مۇلiكتi جويۋمەن، اتىس قارۋىن، جارىلعىش زاتتاردى نەمەسە جارىلىس قۇرىلعىلارىن قولدانۋمەن، سونداي-اق بيلىك وكiلiنە قارۋلى قارسىلىق كورسەتۋمەن ۇلاسقان، ونىڭ ىشىندە شەتەلدىك كوزدەردەن الىنعان قاراجاتتى پايدالانا وتىرىپ جاپپاي تارتiپسiزدiكتi ۇيىمداستىرۋ") كۇدىككە ءىلىندى", - دەدى الماتى قالالىق سوتىنداعىلار.
ەسكە سالايىق، بيىل 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي توبەلەس بولعان ەدى. جاپپاي توبەلەسكە 300-گە جۋىق ادام قاتىسقان. اۋقاتتى اۋىلى جانە بۇلان باتىر اۋىلدارىندا جانجال شىقتى. بۇزاقىلار مەتالل زاتتارىن، اتىس قارۋىن قولدانعان بولاتىن.
