Qordaıdaǵy qaqtyǵysqa qatysy bar delingen 24 adam Almatyda qamaýǵa alyndy, - dep habarlaıdy Tengrinews.kz .
"Barlyq 24 adam bultartpaý sharasy retinde eki aıǵa qamaýǵa alyndy - mamyr aıynyń sońyna deıin. Olar QR Qylmystyq kodeksiniń 272-babynyń 2-bóligi boıynsha ("Kúsh qoldanýmen, qıratýmen, órteýmen, buzýmen, múlikti joıýmen, atys qarýyn, jarylǵysh zattardy nemese jarylys qurylǵylaryn qoldanýmen, sondaı-aq bılik ókiline qarýly qarsylyq kórsetýmen ulasqan, onyń ishinde sheteldik kózderden alynǵan qarajatty paıdalana otyryp jappaı tártipsizdikti uıymdastyrý") kúdikke ilindi", - dedi Almaty qalalyq sotyndaǵylar.
Eske salaıyq, bıyl 7 aqpanda Jambyl oblysy Qordaı aýdany Masanchı aýylynda turǵyndar arasynda jappaı tóbeles bolǵan edi. Jappaı tóbeleske 300-ge jýyq adam qatysqan. Aýqatty aýyly jáne Bulan Batyr aýyldarynda janjal shyqty. Buzaqylar metall zattaryn, atys qarýyn qoldanǵan bolatyn.
