ۇستەماقى العان شىمكەنتتىك دارىگەرلەر مەملەكەتتىڭ قولداۋىنا العىستارىن ايتىپ جاتىر. بۇگىنگى تاڭدا شىمكەنت قالاسىندا 1290 مەديتسيتسينا قىزمەتكەرىنە ۇستەماقى تولەندى.
مەملەكەت باسشىسى قاسىم-جومارت توقاەۆ كوروناۆيرۋسپەن كۇرەسىپ جاتقان مەديتسينا قىزمەتكەرلەرىنە كومەك كورسەتۋ تۋرالى تاپسىرما بەرگەن بولاتىن.
بۇل رەتتە، مەملەكەتتىڭ قولداۋىنا يە بولعان ءۇشىنشى مەگاپوليستىڭ دارىگەرلەرى ءوز العىستارىن ءبىلدىرىپ جاتىر. سونىڭ ءبىرى شىمكەنت قالالىق جۇقپالى اۋرۋحانالار اۋرۋحاناسىنىڭ مەدبيكەسى — عازيزا لەسبەكوۆا.
– ءوز اتىمنان جانە وسى جەردەگى دارىگەرلەردىڭ ءبارىنىڭ اتىنان مەملەكەت باسشىسى قاسىم-جومارت كەمەلۇلىنا العىس بىلدىرەمىن. قازىر وتباسىمىزدان جىراقتا ءجۇرىپ، ناۋقاستارعا قاجەتتى ەم-دوم جاساپ، كومەكتەسىپ جاتىرمىز. جەرگىلىكتى باسشىلىق تاراپىنان مەديتسينا ماماندارى ارنايى جاتاقحانامەن قامتىلعان. وعان قوسا ەڭبەگىمىزدى ەلەپ، قارجىلاي قولداۋ بىلدىرگەنى وسىنداعى بارلىعىمىزدى زور قۋانىشقا كەنەلتىپ وتىر، — دەيدى ع. لەسبەكوۆا.
جالپى شىمكەنت قالاسىندا 1290 مەديتسيتسينا قىزمەتكەرى ۇستەماقى الدى. وعان سايكەس، مەديتسينا قىزمەتكەرلەرى جۇمىسىنىڭ قاۋىپتىلىگىنە قاراي 3 توپقا بولىنگەن. ءبىرىنشى ساناتتاعى وتە قاۋىپتى جاعدايدا جۇمىس ىستەيتىن 24 قىزمەتكەرگە 8,7 ملن تەڭگە ءبولىندى. ەكىنشى ساناتتاعى قالىپتى جاعدايدا جۇمىس ىستەيتىن دارىگەرلەر مەن فەلدشەلەرگە، 845 مەديتسينا ماماندارىنا 258,3 ملن تەڭگە ءبولىندى. ءۇشىنشى دەڭگەيدەگى قاۋىپسىزدىك جاعدايىندا جۇمىس ىستەيتىن 421 مەديتسينا ۇيىمىنىڭ قىزمەتكەرىنە 51,3 ملن تەڭگە ءبولىندى.
ايتا كەتسەك، ۇستەماقى العاندار رەانيماتسيا بولىمدەرىمەن قوسا العاندا، جۇقپالى اۋرۋلار ستاتسيونارلارىنىڭ دارىگەرلەرى، كارانتيندىك ايماقتاعى ورتا جانە كىشى مەديتسينا قىزمەتكەرلەرى. سونداي-اق پروۆيزورلىق ستاتسيونار مەن جەدەل جاردەم قىزمەتىنىڭ دارىگەرلەرى مەن جەدەل-جاردەم جۇرگىزۋشىلەرى. شىمكەنت قالاسى توتەنشە جاعدايلار جونىندەگى شتابى
