ماماندىق دەگەنىمىز نە؟ ماماندىقتى قالاي دۇرىس تاڭداۋىمىز كاجەت؟

20555
Adyrna.kz Telegram

ماماندىق دەگەنىمىز نە دەگەن ساۋالعا تولىقتاي پىكىرىمدى بىلدىرە كەتەيىن. ماماندىقتى ءبىزدىڭ جاس تۇلەكتەرىمىز دۇرىس تاڭداي ءبىلۋى قاجەت دەپ ەسەپتەيمىن. ادام بالاسى ماماندىق تاڭداۋدان ەشقاشان قاتەلەسپەۋى قاجەت. ماماندىق ءبىزدىڭ بولاشاعىمىزدىڭ ايناسى. ءوز ءىسىنىڭ بىلىكتى مامانى بولۋ ءۇشىن،وزىنە لايىقتى ماماندىقتى تاڭداۋى كەرەك. سوندا عانا ءبىزدىڭ بولاشاعىمىز ايقىن بولماق. ارينە قازىرگى تاڭدا ماماندىق تاڭداۋدان قينالىپ، اقساپ جاتاتىن تۇستارىمىز بار. تۇلەكتەرىمىز جوعارعى وقۋ ورىندارىنا ءتۇسىپ بىلىكتىلىكتى مىقتىلىقتى شىندىقتى ايتا كەتەتىن بولساق قارجىلىق جاعدايدى تالاپ ەتەتىن ماماندىقتى تاڭداپ جاتادى. نەلىكتەن وسىنداي ماماندىقتى تاڭدايدى دەگەن كوكەيدەگى سۇراققا جاۋاپ بەرە كەتسەم. سول ماماندىقتى وقىپ، ءتامامداپ بولعان سوڭ، جۇمىسقا ورنالاسىپ ەڭ جوعارعى جالاقى الامىن دەگەن ويدىڭ جەتەگىندە جۇرەدى.

ارينە، دۇرىس ادام بالاسى ارمانداپ، تالاپتانۋى قاجەت. جەتەمىن دەگەن ادام ءوزىنىڭ بيىك شىڭىنا دا جەتەدى.قازاقتا مىناداي ماقال بار: ارمانسىز ادام قاناتسىز قۇسپەن تەڭ. بۇل ماقال بەكەرگە ايتىلماسا كەرەك. مىسالى مەن جۋرناليستيكا سالاسىنا ءتۇسۋدى ارماندايمىن جانە قىزىعامىن. مەن بۇل ماماندىقتى قىزىعى مەن قيىندىعى قاتار جۇرەتىن ماماندىق دەپ بىلەمىن. ارمانداعان ماماندىعىڭا ءتۇسۋ ءوز قولىڭدا! ول ءۇشىن بىلىمدىلىك تالاپ ەتىلەدى. بىلىكتى ءبىردى جىعار، ءبىلىمدى مىڭدى جىعار دەمەكشى ءوز-ىسىڭە سەنىمدى، بىلىكتى، ءبىلىمدى العا قويعان ماقساتىڭا جەتۋ ءۇشىن تالاپتاناتىن ادام بولساڭ بارىڭە دە جەتەسىڭ. اباي اتامىز ايتپاقشى:

پايدا ويلاما، ار ويلا،

تالاپ قىل ارتىق بىلۋگە.

ارتىق عىلىم كىتاپتا

ەرىنبەي وقىپ كورۋگە دەگەن دانالىق سوزدەرى بەكەرگە ايتىلماعان. نەلىكتەن ءوزى قالاعان ماماندىققا ءتۇسۋ كەرەك جانە سول ماماندىقتى وقۋى كەرەك دەگەن سۇراققا مەنىڭ جاۋابىم. سەبەبى ءوزىنىڭ جاقسى كورىپ تۇرعان ماماندىققا تۇسسەڭ، سەن ول ماماندىقتى ءبىر سوزبەن ايتقاندا جاقسى كورىپ بار ىنتاڭدى سالىپ،قۇشتارلىق پەن وقيسىڭ. جانە وقۋدى تامامداعان سوڭ بار جان-تانىڭمەن جۇمىسقا دەگەن ىقىلاسىڭ مەن قىزىعى قۇشتارلانا بار جاعىنان تەرگەن ءبىلىمىڭدى وسى ماماندىققا ارنايسىڭ. ەگەر ءوزىڭ قالاماعان وقۋعا تۇسسەڭ سەنىڭ ول ماماندىقتى وقۋعا كەيىن سول سالادا جۇمىس جاساۋعا ىنتاڭ بولمايدى. مىنەكەي ماسەلە وسىندا جاتىر. الايدا جوعارعى وقۋ ورنىنا ءتۇسىپ، ءوز ماماندىعىڭنىڭ بىلىكتى مامانى بولىپ، حالىققا جاقسى قىرىڭنان تانىلىپ جاتقان جاعدايدا دانسايىپ كەتپەۋىڭ كەرەك. وسىنى دا ويعا سالىپ كەتكىم كەلىپ وتىر. بارلىعىن كوتەرە ءبىلۋىڭ كەرەك.

مۇقاعالي ماقاتاەۆ اتامىز ايتپاقشى;

ءوسىڭىز جەتىلىڭىز،تاسقىنداڭىز،

بىراق تا بيىكپىن دەپ اسقىنباڭىز.

سەن مىقتى،اناۋ وسال،مەن ورتاشا،

ءبارىمىز ءبىر اسپاننىڭ استىندامىز.

ءسىزدىڭ وي ءبىزدىڭ وي مەن بىرىكپەيدى.

شايقانىز وسى ءومىردى ءجۇرىپ مەيلى

ويلاڭىز،ارزان اتاق، ساسىق ىرىس

ءسىز ولگەندە قايتادان تىرىلتپەيدى... دەمەكشى ارزان اتاق پەن ساسىق ىرىستىڭ جەتەگىندە كەتىپ قالماۋىڭىز كەرەك.

  اياگوز ارىستانباەۆا،

جۋرناليستيكا جانە اۋدارما ءىسى كافەدراسىنىڭ 1 كۋرس ستۋدەنتى،

تۇران ۋنيۆەرسيتەتى

الماتى قالاسى

پىكىرلەر