پاۆلودار وبلىسى كارانتينگە جابىلادى

ازاماتتاردىڭ ءجۇرىپ-تۇرۋى جانە كەيبىر قوعامدىق ماڭىزى بار نىسانداردىڭ جۇمىسى بويىنشا قويىلاتىن شەكتەۋلەر 13 ءساۋىر كۇنى ساعات 00:00-دەن باستاپ كۇشىنە ەنەدى. بۇل شەشىمدى پاۆلودار وبلىسىنىڭ باس سانيتار دارىگەرى كوروناۆيرۋس ينفەكتسياسىنىڭ ودان ءارى تارالۋىنىڭ الدىن الۋ ماقساتىندا قابىلدادى.

ەرتەڭنەن باستاپ وبلىستىڭ، قالالاردىڭ، اۋدانداردىڭ جانە اۋىلدىق ايماقتاردىڭ اۋماعىنا كولىكتەر مەن ادامداردىڭ كىرىپ-شىعۋىنا تىيىم سالىنادى.

بۇل شەكتەۋلەردىڭ مىنا ساناتتاعى تۇرعىندارعا قاتىسى جوق:

• بۇل شەكتەۋلەر حالىقتىڭ تىرشىلىگىن قامتاماسىز ەتۋ ۇيىمدارىنىڭ قىزمەتكەرلەرى;
• مەديتسينالىق كورسەتكىشتەر بويىنشا شىعاتىن جانە كەلەتىن، كارانتيندى ەنگىزۋ كەزەڭىندە ستاتسيونارلاردا ەمدەلىپ جاتقان، كارانتيندىك جانە پروۆيزورلىق ستاتسيونارلاردا باقىلاۋدا بولعان ادامدار;
• شۇعىل مامانداندىرىلعان كومەككە مۇقتاج ازاماتتار;
• كارانتيندىك شارالاردى ورىنداۋ شارتىمەن، راستايتىن قۇجاتى بولعان جاعدايدا جاقىندارىنىڭ قايتىس بولۋىنا بايلانىستى كەتەتىن/كەلەتىن ادامدار;
• راستايتىن قۇجاتتى ۇسىنعان جاعدايدا كوكتەمگى ەگىس جۇمىستارىن، تابيعاتتى قورعاۋ، ۆەتەرينارلىق، اۋىل شارۋاشىلىعى ءىس-شارالارىن، بايلانىس وبەكتىلەرىنىڭ قىزمەتىن جۇرگىزۋگە تارتىلعان ازاماتتار.

قازىرگى ۋاقىتتا وڭىردە كوروناۆيرۋس ينفەكتسياسىن جۇقتىرعان 9 ادام تىركەلگەن.  جالپى، رەسپۋبليكادا دەرتكە شالدىققانداردىڭ سانى 880 ادامعا جەتتى.