"ازاماتتارعا ارنالعان ۇكىمەت" مەملەكەتتىك كورپوراتسياسى الەۋمەتتىك سالادا پرواكتيۆتى قىزمەتتەردى بەلسەندى تۇردە ەنگىزۋدى جالعاستىرىپ كەلەدى. بۇل فورماتتىڭ ارقاسىندا كليەنتتەر حقو-عا بارماي-اق، SMS ارقىلى بىرنەشە جاردەماقىنى راسىمدەي الادى، دەپ حابارلايدى “ادىرنا” ۇلتتىق پورتالى.
الەۋمەتتىك سالاداعى ەڭ سۇرانىسقا يە مەملەكەتتىك قىزمەتتەردىڭ ءبىرى – بالا تۋ جانە ونىڭ كۇتىمى بويىنشا تولەنەتىن جاردەماقىلاردى رەسىمدەۋ. بالا ومىرگە كەلگەننەن كەيىن ونىڭ اناسىنا جاردەماقى بويىنشا ءوتىنىش بەرۋ ءۇشىن SMS-حابارلاما كەلەدى. بۇل حابارلاماعا وڭ جاۋاپ بەرىپ, جاردەماقى تولەنەتىن بانكتىڭ شوت ءنومىرىن كورسەتۋ كەرەك. ارى قاراي بالا تۋ جانە ءبىر جاسقا دەيىنگى بالا كۇتىمى بويىنشا جاردەماقىلار پرواكتيۆتى تۇردە رەسىمدەلەتىن بولادى.
ەسكە سالايىق، وسى قىزمەتتى پايدالانۋ ءۇشىن مءوبيلدى ازاماتتار بازاسىندا تىركەلۋ كەرەك.وسىلايشا، 2022 جىلدىڭ بەس ايىندا بالا تۋ جانە بالا كۇتىمى بويىنشا 152 298 مىڭ جاردەماقى بەلسەندى تۇردە رەسىمدەلدى، بۇل 2021 جىلداعى كەزەڭمەن سالىستىرعاندا 2,2 ەسە كوپ (66 894 مىڭ).
«بۇگىندە الماتى قالاسىندا ءبىر جاسقا دەيىنگى بالاكۇتىمى بويىنشا جاردەماقى الۋشىلار – 3153-ءتى قۇرايدى. مەملەكەتتىك كورپوراتسيا ارقىلى كورسەتىلەتىن الەۋمەتتىك سالاداعى مەملەكەتتىك قىزمەت ءتۇرىنىڭ بارىنە ەلەكتروندى تۇردە ونلاين ءوتىنىش بەرۋگە بولادى. بولاشاق انالار حالىق، كاسپي بانك باعدارلامالارى ارقىلى دا بالا تۋعاندا بەرىلەتىن بىرجولعى جاردەماقى جانە بالا 1 جاسقا تولعانعا دەيىن ونىڭ كۇتىمىنە بەرىلەتىن جاردەماقىعا قۇجات تاپسىرا الادى»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق-نىڭ الماتى قالاسى بويىنشا فيليالى ديرەكتورىنىڭ ورىنباسارى فاريدا بوكيجانوۆا.
ايتا كەتەيىك، بالا تۋ بويىنشا جاردەماقى مولشەرى بالالار سانىنا بايلانىستى. ءبىرىنشى، ەكىنشى جانە ءۇشىنشى بالانىڭ تۋۋىنا بايلانىستى جاردەماقى – 120 840 تەڭگە (2022 جىلى 38 اەك), ودان كەيىنگىلەرىنە – 200 340 تەڭگە (63 اەك) بولادى.جۇمىس ىستەمەيتىن ايەلدەر ءۇشىن ءبىر جاسقا دەيىنگى بالا كۇتىمى بويىنشا جاردەماقى:
- ءبىرىنشى بالا كۇتىمى بويىنشا – 18 317 تەڭگە (5,76 اەك);
- ەكىنشى بالا كۇتىمى بويىنشا – 21 656 تەڭگە (6,81 اەك);
- ءۇشىنشى بالا كۇتىمى بويىنشا – 24 963 تەڭگە (7,85 اەك);
- ءتورتىنشى جانە ودان دا كوپ بالا كۇتىمى بويىنشا – 28 302 تەڭگە (8,90 اەك).
بالانىڭ ءبىر جاسقا تولعانعا دەيىنگى (بوسانعاننان كەيىن) كۇتىمى بويىنشا اي سايىنعى الەۋمەتتىك تولەم جۇمىس ىستەيتىن ايەلدەرگە عانا تاعايىندالادى. تولەم مولشەرى الەۋمەتتىك اۋدارىمدار جۇرگىزىلگەن تابىسقا دا بايلانىستى بولادى.تولەمدى ەسەپتەۋ ءۇشىن كەيىنگى 2 جىلداعى ورتاشا ايلىق تابىستى 0,4-كە كوبەيتءىپ، زەينەتاقى جارنالارىنىڭ 10 پايىزىن ۇستاپ قالۋ قاجەت. ورتاشا ايلىق تابىس 24-كە بولىنگەن كەيىنگى 2 جىلداعى بارلىق اي سايىنعى كىرىستەردىڭ سوماسى رەتىندە ەسەپتەلەدى.بۇل رەتتە تابىسىنان ايىرىلعان جاعدايدا بالانىڭ ءبىر جاسقا تولعانعا دەيىنگى كۇتىمىنە بايلانىستى تولەنەتىن الەۋمەتتىك تولەمنىڭ ەڭ جوعارى مولشەرى ەڭ تومەنگى جالاقىنىڭ جەتى ەسەلەنگەن مولشەرىنىڭ قىرىق پايىزىنان، ال الەۋمەتتىك تولەمنىڭ ەڭ تومەن مولشەرى – بالا ءبىر جاسقا تولعانعا دەيىن ونىڭ كۇتىمىنە بايلانىستى تولەنەتىن اي سايىنعى مەملەكەتتىك جاردەماقىنىڭ مولشەرىنەن كەم بولماۋعا ءتيىس.
جاردەماقى تومەندەگىدەي ەسەپتەلەدى:
- ەگەر الۋشىنىڭ 2 جىل ىشىندەگى تابىسىنىڭ ورتاشا ايلىق مولشەرى 120 000 تەڭگە بولسا, وندا تولەم 48 000 تەڭگە (120 000x 0,4) مولشەرىندە تاعايىندالادى. وسى سومادان زەينەتاقى جارناسىنىڭ 10 پايىزى شەگەرىلەدى.
- ەگەر تابىس مولشەرى 7 اەك-دەن (2022 جىلعا 420 000 تەڭگە) اساتىن بولسا، وندا تولەم ەڭ جوعارى 168 000 تەڭگە (420 000x 0,4) دەڭگەيدە تاعايىندالادى. وسى سومادان زەينەتاقى جارناسىنىڭ 10% شەگەرىلەدى.
- ەگەر تابىس 40 000 تەڭگەنى قۇراعان جاعدايدا، وندا تولەم 16 000 تەڭگە (40 000x0,4) مولشەرىندە تاعايىندالادى. وسى سومادان زەينەتاقى جارناسىنىڭ 10% شەگەرىلەدى.
وسى رەتتە جاردەماقىلار قر مىندەتتى الەۋمەتتىك ساقتاندىرۋ تۋرالى زاڭناماسىنا سايكەس جۇزەگە اسىرىلاتىن ەسكە سالامىز.بۇل قىزمەت 7 جۇمىس كۇنى ىشىندە كورسەتىلەدى.
“ادىرنا” ۇلتتىق پورتالى
