باتىس قازاقستان وبلىسىندا ايەلى مەن قىزدارى بولعان ءۇيدى ادەيى ورتەپ جىبەردى دەگەن كۇدىكپەن ەر ادام ۇستالدى. ول تاسقالى اۋدانى اقتاۋ اۋىلىنىڭ تۇرعىنى، دەپ حابارلايدى وڭىرلىك "ۋرالسكايا نەدەليا" باسىلىمى.
قايعىلى وقيعا بەيسەنبى، توعىزىنشى ساۋىردە بولعان.
ءورت سوندىرۋشىلەر جانىپ كەتكەن ۇيدەن ايەل مەن كامەلەتكە تولماعان ەكى قىزدىڭ دەنەسىن تاپتى.
پوليتسيا كۇدىكتىنى ۇستادى. الدىن الا اقپارات بويىنشا ول مارقۇم ايەلدىڭ كۇيەۋى.
"جەر ءۇي ورتەنگەن. ءورت سوندىرۋشىلەر ءبىرىنشى جانە ەكىنشى سىنىپتا وقيتىن ەكى قىزدىڭ جانە ولاردىڭ اناسىنىڭ ءمايىتىن تاپتى. كريمينالدى پوليتسيا باسقارماسى ەر ادامدى ۇستادى. ول ۇيگە ادەيى ءورت قويدى دەگەن كۇدىككە ءىلىندى",- دەپ مالىمدەدى ۆەدومستۆودان.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنشا، ەر ادام قايعىلى وقيعادان كەيىن وزىنە قول سالماق بولعان. وسىلايشا اۋرۋحاناعا جاتقىزىلعان.
كوز جۇمعان ادامداردىڭ ءمايىتى سوت-مەديتسينالىق ساراپتاماعا جىبەرىلدى. وقيعانىڭ ءمان-جايى انىقتالىپ جاتىر.
Sputnik
