© Photo : پرەسس-سلۋجبا سەناتا پارلامەنتا رەسپۋبليكي كازاحستان
سەنات سپيكەرى داريعا نازارباەۆا "تسيفرلى قازاقستان" مەملەكەتتىك باعدارلاماسى دەرەۋ قايتا قارالۋى كەرەك دەپ سانايدى. بۇل تۋرالى ول سەنات وتىرىسىندا مالىمدەدى، دەپ حابارلايدى Sputnik قازاقستان .
ول قازىرگى جاعداي مەملەكەتتىك اقپاراتتىق رەسۋرستار مەن ەلەكتروندى قىزمەتتەردىڭ جۇمىسىندا بىرقاتار پروبلەما بارىن كورسەتىپ وتىرعانىن اتاپ ءوتتى.
"وسى داعدارىس كەزىندە بەتى اشىلعان پروبلەمالاردى ەسكەرە وتىرىپ، "تسيفرلى قازاقستان" مەملەكەتتىك باعدارلاماسىن دەرەۋ قايتا قاراۋ كەرەك", - دەدى نازارباەۆا سەنات وتىرىسىندا.
دەپۋتاتتار بيۋروكراتيا قازاقستاننىڭ باسقارۋ جۇيەسى مەن ەكونوميكانى تسيفرلاندىرۋدا جەدەل جۇمىس جۇرگىزۋگە مۇددەلى ەمەس ەكەنىن، ستاتيستيكانى ءبىر رەتكە كەلتىرۋ تۋرالى بىرنەشە مارتە ايتقان بولاتىن.
ء"بىز ەندى كورىپ وتىرعانىمىزداي، بۇدان ءارى كۇتۋگە بولمايدى. قيمىل-ارەكەت جاساۋىمىز قاجەت", - دەدى سپيكەر.
سەنات توراعاسى الەمدىك ەكونوميكاداعى احۋالدىڭ وزگەرۋى مەملەكەتتىك ساياساتتىڭ جاڭا باسىمدىقتارىن قالىپتاستىرىپ وتىرعانىن ايتتى.
نازارباەۆا مەملەكەتتىك ساياساتتا قاۋىپسىزدىككە باسا نازار اۋدارۋ قاجەتتىگىنە توقتالدى. اتاپ ايتقاندا، جەكە ادامنىڭ، قوعامنىڭ، مەملەكەتتىڭ قاۋىپسىزدىگى. ازىق-تۇلىك، ەنەرگەتيكالىق، اقپاراتتىق-كوممۋنيكاتسيالىق قاۋىپسىزدىك جانە ادام ءومىرى مەن دەنساۋلىعىنىڭ قاۋىپسىزدىگى.
"وسىنىڭ ءبارى – قۇرمەتتى ارىپتەستەر، جاقىن اراداعى جۇمىسىمىزدىڭ باستى كۇن ءتارتىبى بولۋى ءتيىس", - دەدى ول.
"بۇگىنگى تاڭدا بۇكىل الەم جاڭا تاريحتاعى ەڭ الماعايىپ كەزەڭدەردىڭ ءبىرىن باستان وتكەرۋدە. ەكونوميكالىق داعدارىس اۋقىمىنىڭ جانە ونىمەن تىكەلەي بايلانىستى الەۋمەتتىك وزگەرىستەردىڭ تۇپكى شەگى ءالى دە بۇلىڭعىر. قازىرگى كەزدە ءتۇرلى بولجامدار جاسالۋدا. ءبىز، ارينە، جاقسىلىققا سەنەمىز، بىراق قالىپتاسىپ وتىرعان احۋال باتىل ءارى ناقتى ءىس-قيمىلداردى تالاپ ەتەدى", - دەپ جالعاستىردى سپيكەر.
ول پرەزيدەنتتىڭ حالىقتى، شاعىن جانە ورتا بيزنەستى قولداۋعا باعىتتالعان تاپسىرمالارى تەك توتەنشە جاعدايدا عانا ەمەس، ەلدىڭ جالپى داعدارىستى ەڭسەرۋ كەزەڭىن دە قامتيتىنىن جەتكىزدى.
"ەندىگى باستى ماقسات – وسىنداي ماڭىزدى شارالاردىڭ جەرگىلىكتى جەرلەردە ءتيىمدى ءارى ناقتى ورىندالۋىن قامتاماسىز ەتۋ", - دەدى نازارباەۆا.
سەنات توراعاسى جەرگىلىكتى ورگانداردى بيۋروكراتيالىق فورماليزمگە، جونسىزدىككە جول بەرمەۋگە شاقىردى.
