© Photo : press-slýjba senata parlamenta Respýblıkı Kazahstan
Senat spıkeri Darıǵa Nazarbaeva "ıfrly Qazaqstan" memlekettik baǵdarlamasy dereý qaıta qaralýy kerek dep sanaıdy. Bul týraly ol senat otyrysynda málimdedi, dep habarlaıdy Sputnik Qazaqstan .
Ol qazirgi jaǵdaı memlekettik aqparattyq resýrstar men elektrondy qyzmetterdiń jumysynda birqatar problema baryn kórsetip otyrǵanyn atap ótti.
"Osy daǵdarys kezinde beti ashylǵan problemalardy eskere otyryp, "ıfrly Qazaqstan" memlekettik baǵdarlamasyn dereý qaıta qaraý kerek", - dedi Nazarbaeva senat otyrysynda.
Depýtattar bıýrokratııa Qazaqstannyń basqarý júıesi men ekonomıkany ıfrlandyrýda jedel jumys júrgizýge múddeli emes ekenin, statıstıkany bir retke keltirý týraly birneshe márte aıtqan bolatyn.
"Biz endi kórip otyrǵanymyzdaı, budan ári kútýge bolmaıdy. Qımyl-áreket jasaýymyz qajet", - dedi spıker.
Senat tóraǵasy álemdik ekonomıkadaǵy ahýaldyń ózgerýi memlekettik saıasattyń jańa basymdyqtaryn qalyptastyryp otyrǵanyn aıtty.
Nazarbaeva memlekettik saıasatta qaýipsizdikke basa nazar aýdarý qajettigine toqtaldy. Atap aıtqanda, jeke adamnyń, qoǵamnyń, memlekettiń qaýipsizdigi. Azyq-túlik, energetıkalyq, aqparattyq-kommýnıkaııalyq qaýipsizdik jáne adam ómiri men densaýlyǵynyń qaýipsizdigi.
"Osynyń bári – qurmetti áriptester, jaqyn aradaǵy jumysymyzdyń basty kún tártibi bolýy tıis", - dedi ol.
"Búgingi tańda búkil álem jańa tarıhtaǵy eń almaǵaıyp kezeńderdiń birin bastan ótkerýde. Ekonomıkalyq daǵdarys aýqymynyń jáne onymen tikeleı baılanysty áleýmettik ózgeristerdiń túpki shegi áli de bulyńǵyr. Qazirgi kezde túrli boljamdar jasalýda. Biz, árıne, jaqsylyqqa senemiz, biraq qalyptasyp otyrǵan ahýal batyl ári naqty is-qımyldardy talap etedi", - dep jalǵastyrdy spıker.
Ol prezıdenttiń halyqty, shaǵyn jáne orta bıznesti qoldaýǵa baǵyttalǵan tapsyrmalary tek tótenshe jaǵdaıda ǵana emes, eldiń jalpy daǵdarysty eńserý kezeńin de qamtıtynyn jetkizdi.
"Endigi basty maqsat – osyndaı mańyzdy sharalardyń jergilikti jerlerde tıimdi ári naqty oryndalýyn qamtamasyz etý", - dedi Nazarbaeva.
Senat tóraǵasy jergilikti organdardy bıýrokratııalyq formalızmge, jónsizdikke jol bermeýge shaqyrdy.
