ەڭبەك جانە حالىقتى الەۋمەتتىك قورعاۋ مينيسترلىگى تولەمدى الۋشىلار تىزىمىنە وزگەرىس ەنگىزىلگەنىن حابارلادى
سەنبى، 4 ءساۋىر كۇنى كوپتەگەن قازاقستاندىقتار 42 500 تەڭگە الۋىنا بولاتىنى حابارلانعان SMS حابارلاما العان بولاتىن. بۇل حابارلاما eGov بازاسى ارقىلى پرواكتيۆتى جىبەرىلگەنى ايتىلعان ەدى. الايدا مۇنداي SMS بارىنە كەلگەن جوق.
ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك تولەم تۋرالى بۇيرىققا وزگەرىس ەنگىزدى.
تىزىمدە كىمدەر جوق
توتەنشە جاعداي ەنگىزىلگەنگە دەيىنگى ءبىر جىلدا مىندەتتى الەۋمەتتىك ساقتاندىرۋ جۇيەسىنە بىردە-ءبىر اي قاتىسپاعان تۇلعالار.
ءوتىنىش جازعان كۇنگە دەيىنگى 12 اي ىشىندە مىندەتتى الەۋمەتتىك ساقتاندىرۋ جۇيەسىنە بىردە-ءبىر اي قاتىسپاعان بىرىڭعاي جيىنتىق تولەمدى وتەگەندەر.
توتەنشە جاعداي ەنگىزىلگەنگە دەيىنگى سوڭعى ءبىر جىلدا مىندەتتى زەينەتاقى جارناسىن تولەمەگەن ازاماتتىق-قۇقىقتىق شارت بويىنشا تابىس الاتىن جەكە تۇلعالار.
مۇگەدەكتەر مەن تۇرمىسى تومەن تۇرعىندارعا كورسەتىلەتىن كومەك
I, II, III توپتاعى مۇگەدەكتەر، ەرەكشە قاجەتتىلىگى بار بالالار، مۇنداي بالالاردى كۇتىپ وتىرعان اتا-انالار مەن اتاۋلى الەۋمەتتىك تولەم الۋشىلارعا توتەنشە جاعداي كەزىندە اكىمدىكتەر الەۋمەتتىك كومەك كورسەتەدى.
كارانتين كەزىندە تۇرعىنداردىڭ قاۋىپسىزدىگىن ساقتاۋ ءۇشىن ءتيىستى كومەك اقشالاي تۇردە جاسالادى.
الۋشىنىڭ ەسەپشوتىنا 4 ايلىق ەسەپتىك كورسەتكىش - 10 604 تەڭگە ەكى ترانشپەن بەرىلەدى. ايدىڭ باسىندا 2 ايلىق ەسەپتىك كورسەتكىش جانە ايدىڭ ورتاسىندا 2 اەك.
بۇل تۋرالى استاناداعى جۇمىسپەن قامتۋ جانە الەۋمەتتىك قورعاۋ باسقارماسىنىڭ جەتەكشىسى ساۋلە نۇرعوجينا.
Sputnik.
