Eńbek jáne halyqty áleýmettik qorǵaý mınıstrligi tólemdi alýshylar tizimine ózgeris engizilgenin habarlady
Senbi, 4 sáýir kúni kóptegen qazaqstandyqtar 42 500 teńge alýyna bolatyny habarlanǵan SMS habarlama alǵan bolatyn. Bul habarlama eGov bazasy arqyly proaktıvti jiberilgeni aıtylǵan edi. Alaıda mundaı SMS bárine kelgen joq.
Eńbek jáne halyqty áleýmettik qorǵaý mınıstrligi áleýmettik tólem týraly buıryqqa ózgeris engizdi.
Tizimde kimder joq
Tótenshe jaǵdaı engizilgenge deıingi bir jylda mindetti áleýmettik saqtandyrý júıesine birde-bir aı qatyspaǵan tulǵalar.
Ótinish jazǵan kúnge deıingi 12 aı ishinde mindetti áleýmettik saqtandyrý júıesine birde-bir aı qatyspaǵan biryńǵaı jıyntyq tólemdi ótegender.
Tótenshe jaǵdaı engizilgenge deıingi sońǵy bir jylda mindetti zeınetaqy jarnasyn tólemegen azamattyq-quqyqtyq shart boıynsha tabys alatyn jeke tulǵalar.
Múgedekter men turmysy tómen turǵyndarǵa kórsetiletin kómek
I, II, III toptaǵy múgedekter, erekshe qajettiligi bar balalar, mundaı balalardy kútip otyrǵan ata-analar men ataýly áleýmettik tólem alýshylarǵa tótenshe jaǵdaı kezinde ákimdikter áleýmettik kómek kórsetedi.
Karantın kezinde turǵyndardyń qaýipsizdigin saqtaý úshin tıisti kómek aqshalaı túrde jasalady.
Alýshynyń esepshotyna 4 aılyq eseptik kórsetkish - 10 604 teńge eki transhpen beriledi. Aıdyń basynda 2 aılyq eseptik kórsetkish jáne aıdyń ortasynda 2 AEK.
Bul týraly astanadaǵy jumyspen qamtý jáne áleýmettik qorǵaý basqarmasynyń jetekshisi Sáýle Nurǵojına.
Sputnik.
