فرانتسيا COVID-19 پاندەمياسىنا بايلانىستى تۇرمەدە وتىرعاندار سانىن قاسقارتىپ جاتىر. بۇل تۋرالى «قازاقپارات» حابارلايدى.
ناۋرىزدىڭ 16-سى مەن ءساۋىردىڭ 1-ءى ارالىعىندا، فرانتسيا تۇرمەلەرىندەگىلەر 6 266 ادامعا ازايدى. مۇنداي يگى قادامعا ەلدىڭ ادىلەت مينيسترلىگى باستاماشى بولىپ وتىر.
بۇعان سەبەپ - تۇرمەدە وتىرعان ءبىر ادام مەن نادزيراتەلدىڭ كوروناۆيرۋستان قايتىس بولۋى. بيلىك وكىلدەرى پاندەميا تۇرمەنى جايلاپ كەتۋى مۇمكىن دەپ ۇرەيلەنىپ وتىر. فرانتسيادا باس بوستاندىعىنان ايىرۋ ورىندارىندا وتىرعان ادامدار وتە كوپ. جالپى العاندا ەلدىڭ پەنيتەنتسيارلىق جۇيەسى 61 مىڭ تۇتقىندى ۇستاۋعا جارايدى. ال 1 ساۋىردەن باستاپ مەملەكەتتەگى 188 تۇرمەدە 66 309 ادام وتىرعان.
جازانى ورىنداۋ ۇلتتىق قىزمەتىنىڭ سوڭعى باعالاۋلارى بويىنشا، سوتتالعان 48 ازاماتتان كوروناۆيرۋس تابىلعان، 925 ادام وقشاۋلاندىرىلعان، 300 ادام ەكى اپتالىق كارانتيننەن شىقتى.
تۇرمەلەردەگى 42 مىڭ قىزمەتكەردىڭ 114-نەن قاۋىپتى ۆيرۋس انىقتالدى.
