ىرگەدەگى وزبەكستاننىڭ پرەزيدەنتى شاۋقات ميرزيەەۆ كورونوۆيرۋسپەن كۇرەسىپ جاتقان قاراپايىم مەدبيكەلەردىڭ (باسقالارىن ايتپاي-اق قويايىق) جالاقىسىن 2,5 مىڭ دوللارعا كوتەردى. ابايسىزدا اۋرۋ جۇقتىرعان دارىگەر بولسا، وعان 10 مىڭ دوللار وتەماقى تولەمەك. ال، ءبىزدىڭ الماتى قالاسىنداعى كارانتيندەگى دارىگەرلەرگە ("وتىرار" قوناقۇيىدە ورنالاستىرىلعان) جۋرناليستەر ماسەلە كوتەرگەننەن كەيىن بۇگىننەن باستاپ تاۋلىگىنە ءبىر ۋاقىت قانا تاماق بەرىلە باستادى (بۇگىن تۇستە تاماق بەرىلىپتى). تاۋلىگىنە ءبىر رەت تاماق بەرۋمەن بار ماسەلە شەشىلە مە؟
قۇرمەتتى، قاسىم-جومارت توقاەۆ مىرزا! الماتى قالاسىنداعى جۇقپالى اۋرۋلار اۋرۋحاناسىندا (گورودسكايا كلينيچەسكايا ينفەكتسيوننايا بولنيتسا يمەني ي. س. جاكەنوۆوي) 40-قا جۋىق ناۋقاس ەمدەلىپ جاتىر. بىزگە جەتكەن اقپاراتتارعا قاراعاندا ەمحانا دارىگەرلەرى جۇمىسقا 66 مارشۋرتپەن (ەلمەن بىرگە) قاتىناپ ءجۇر. ياعني، ارنايى كولىك بولىنبەگەن. ىندەت جۇقتىرۋى مۇمكىن ماماندار قوعامدىق كولىكتە نەمەسە تاكسيدە ءجۇرۋى (وقشاۋلانباي) نەگە ءتيىستى مامانداردى ويلاندىرمايدى؟
ءبىزدىڭ ماماندار وزبەكتەردىكىندەي ايلىق الىپ وتىرعان جوق. اقشاسى قۇرىسىن، ءولىم مەن ءولىم اراسىندا جۇرگەن وسىنداي مامانداردىڭ جاعدايىن جاساپ بەرە الماساق، ءبىز مىناۋ اتى جامان ىندەتتى قالاي جەڭەمىز؟
"وسى اقپاراتتاردى سىرتقا كىم شىعاردى" دەپ، اۋرۋحانا باسشىلارى "كىنالىنى" ىزدەستىرىپ جاتقان كورىنەدى. قازىر شىندىقتى ايتقان ادامدى ىزدەپ، جازالايتىن كەز ەمەس. ناۋقاستى ەمدەيتىن باتىر دارىگەرلەرىمىزدىڭ جاعدايىن جاسايتىن ۋاقىت. كۇندە اجالمەن بەتپە-بەت كەلىپ جۇرگەن دارىگەرلەرگە قازىر قولداۋ جاساماساق، ەرتەڭ ءبارى كەش بولادى.
قۇرمەتتى، قاسىم-جومارت توقاەۆ مىرزا! Yelzhan Birtanov كومانداسى بار جاۋاپكەرشىلىكتى الماتى اكىمشىلىگىنە اۋدارا سالىپ وتىر. ال، باكىتجان ساگينتاەۆ باسقاراتىن الماتى قالاسىنىڭ ماماندارى ازىرگە ءۇنسىز! سوندىقتان دا ءۇمىت سىزدە عانا.
بۇل ماسەلەنى پرەزيدەنتكە جەتكىزەر دەگەن نيەتپەن Karin Erlan, بەرىك ءۋالي اعالاردى جانە تەكتەۋگە ءماجبۇرمىن!
مۇمكىندىگىنشە رەپوست جاساۋلارىڭىزدى سۇرايمىن!
قانات ابىلقايىر
