ءساۋىر ايىنان باستاپ "وليمپ" كلينيكالىق-دياگنوستيكالىق زەرتحانالار جەلىسىندە كوروناۆيرۋسقا تەگىن ەكسپرەسس-تەست وتۋگە بولادى. جەلىنىڭ باس ديرەكتورى ەرلان سۇلەيمەنوۆ تەستىلەۋدى مىندەتتى تۇردە كىم ءوتۋ كەرەكتىگىن جانە پروتسەدۋراعا ءوتىنىمدى قالاي قالدىراتىنىن ايتتى، - دەپ حابارلايدى Tengrinews.kz تىلشىسى.
ء"بىز 100 مىڭ تەستكە تاپسىرىس بەردىك. ولار 50 مىڭنان الماتى مەن نۇر-سۇلتانعا بولىنەدى. مەرەكەلەردەن كەيىن تاعى كەلەدى. شامامەن، ءساۋىر ايىنان باستاپ جۇمىسقا كىرىسە الامىز. تەستتەر، سونداي-اق، Invivo-دا جانە باسقا دا جەكە زەرتحانالاردا ىسكە قوسىلادى.
بۇل قىزمەتتى مىندەتتى تۇردە الۋى كەرەك ادامدار بىرنەشە توپقا ءبولىندى. ولاردىڭ ىشىندە پاتسيەنتتەرمەن تىكەلەي بايلانىساتىن مەديتسينالىق ۇيىمداردىڭ قىزمەتكەرلەرى جانە كارانتيندىك ايماقتاردا حالىققا قىزمەت كورسەتۋمەن اينالىساتىندار - پوليتسەيلەر، ءورت سوندىرۋشىلەر، اسكەري جانە باسقالارى", - دەدى سۇلەيمەنوۆ.
ونىڭ ايتۋىنشا، ەكىنشى توپقا 2019 جىلدىڭ قاراشا-جەلتوقسان جانە 2020 جىلدىڭ قاڭتار-اقپان ايلارى ارالىعىندا ۆيرۋس اۋرۋلارى بولعان ادامدار جاتادى.
سودان كەيىن قالاۋى بويىنشا كەز كەلگەن ادام كوروناۆيرۋسقا ەكسپرەسس-تەست تاپسىرا الادى.
"وسى ۆيرۋستىق ينفەكتسيا كارانتيندىك، پاتوگەندىكتىڭ ەكىنشى توبىنا جاتادى، ادامنان ادامعا جۇعادى، سوندىقتان ءبىز سەرىكتەستەرىمىز بەن جەكە ەمدەۋ ۇيىمدارىن تارتا وتىرىپ، ەمشارا كابينەتتەرىندە جۇمىس ىستەيمىز. پاتسيەنتتەر سايتتان جازىلادى دەپ جوسپارلاپ وتىرمىز. ولار بەلگىلەنگەن ۋاقىت بويىنشا سول نەمەسە باسقا كابينەتكە كەلەدى جانە اۋرۋ جۇقتىرعان-مىس قانداي دا ءبىر اداممەن بايلانىسا المايدى. بارلىعى رەگلامەنت بويىنشا قاتاڭ جۇرگىزىلەدى", - دەپ ءتۇسىندىردى سۇلەيمەنوۆ.
تەست تاپسىرا الاتىن ازاماتتاردى ىرىكتەۋ ءۇشىن دەنساۋلىق ساقتاۋ مينيسترلىگى ەپيدەميولوگتار توبىن جۇمىلدىرادى.
"ەپيدەميولوگتار ىرىكتەۋمەن اينالىسادى. سوندىقتان، ساراپتاما تاپسىرعىسى كەلەتىندەرگە سايتتا ەپيدەميولوگقا قاجەتتى بارلىق ساۋالنامانى تولتىرۋ قاجەت-ينفەكتسيا بۇرىن بولعان با، جاسى، قوسالقى اۋرۋلار، پنەۆمونيا. سۋىق تيۋ بەلگىلەرى پايدا بولعان جاعدايدا - دەنە تەمپەراتۋراسىنىڭ جوعارىلاۋى، مۇرىننىڭ بىتەلۋى، جوتەل، تاماقتىڭ اۋىرۋى بايقالسا، ءبىز تەست جۇرگىزە المايمىز. بۇل جاعدايدا ۇيگە جەدەل جاردەم شاقىرۋ قاجەت", - دەپ ءتۇسىندىردى ەرلان سۇلەيمەنوۆ.
ەكسپرەسس-تەستتەر دەمەۋشىلەردىڭ قاراجاتىنا ساتىپ الىندى. بۇعان دەيىن ء"سابي" قورى جانە Kaspi.kz كوروناۆيرۋستى جانە يۆل اپپاراتىن انىقتاۋ ءۇشىن ەكسپرەسس-تەست ساتىپ الۋعا 200 ميلليون تەڭگەدەن استام قارجى بولگەن. سوندىقتان تەست تەگىن بولادى.
ەرلان سۇلەيمەنوۆتىڭ ايتۋىنشا، قاجەتتىلىك تۋسا، تەستتەردى ازاماتتار ءۇشىن ساتىپ الۋعا مۇمكىندىك بار.
