Sáýir aıynan bastap "Olımp" klınıkalyq-dıagnostıkalyq zerthanalar jelisinde koronavırýsqa tegin ekspress-test ótýge bolady. Jeliniń bas dırektory Erlan Súleımenov testileýdi mindetti túrde kim ótý kerektigin jáne proedýraǵa ótinimdi qalaı qaldyratynyn aıtty, - dep habarlaıdy Tengrinews.kz tilshisi.
"Biz 100 myń testke tapsyrys berdik. Olar 50 myńnan Almaty men Nur-Sultanǵa bólinedi. Merekelerden keıin taǵy keledi. Shamamen, sáýir aıynan bastap jumysqa kirise alamyz. Testter, sondaı-aq, Invivo-da jáne basqa da jeke zerthanalarda iske qosylady.
Bul qyzmetti mindetti túrde alýy kerek adamdar birneshe topqa bólindi. Olardyń ishinde paıenttermen tikeleı baılanysatyn medıınalyq uıymdardyń qyzmetkerleri jáne karantındik aımaqtarda halyqqa qyzmet kórsetýmen aınalysatyndar - polıeıler, órt sóndirýshiler, áskerı jáne basqalary", - dedi Súleımenov.
Onyń aıtýynsha, ekinshi topqa 2019 jyldyń qarasha-jeltoqsan jáne 2020 jyldyń qańtar-aqpan aılary aralyǵynda vırýs aýrýlary bolǵan adamdar jatady.
Sodan keıin qalaýy boıynsha kez kelgen adam koronavırýsqa ekspress-test tapsyra alady.
"Osy vırýstyq ınfekııa karantındik, patogendiktiń ekinshi tobyna jatady, adamnan adamǵa juǵady, sondyqtan biz seriktesterimiz ben jeke emdeý uıymdaryn tarta otyryp, emshara kabınetterinde jumys isteımiz. Paıentter saıttan jazylady dep josparlap otyrmyz. Olar belgilengen ýaqyt boıynsha sol nemese basqa kabınetke keledi jáne aýrý juqtyrǵan-mys qandaı da bir adammen baılanysa almaıdy. Barlyǵy reglament boıynsha qatań júrgiziledi", - dep túsindirdi Súleımenov.
Test tapsyra alatyn azamattardy irikteý úshin densaýlyq saqtaý mınıstrligi epıdemıologtar tobyn jumyldyrady.
"Epıdemıologtar irikteýmen aınalysady. Sondyqtan, saraptama tapsyrǵysy keletinderge saıtta epıdemıologqa qajetti barlyq saýalnamany toltyrý qajet-ınfekııa buryn bolǵan ba, jasy, qosalqy aýrýlar, pnevmonııa. Sýyq tııý belgileri paıda bolǵan jaǵdaıda - dene temperatýrasynyń joǵarylaýy, murynnyń bitelýi, jótel, tamaqtyń aýyrýy baıqalsa, biz test júrgize almaımyz. Bul jaǵdaıda úıge jedel járdem shaqyrý qajet", - dep túsindirdi Erlan Súleımenov.
Ekspress-testter demeýshilerdiń qarajatyna satyp alyndy. Buǵan deıin "Sábı" qory jáne Kaspi.kz koronavırýsty jáne IVL apparatyn anyqtaý úshin ekspress-test satyp alýǵa 200 mıllıon teńgeden astam qarjy bólgen. Sondyqtan test tegin bolady.
Erlan Súleımenovtyń aıtýynsha, qajettilik týsa, testterdi azamattar úshin satyp alýǵa múmkindik bar.
