"قاتەمىزدى قايتالاماڭىزدار". يتاليالىقتار ۇندەۋ جاسادى

9182
Adyrna.kz Telegram

© REUTERS

يتاليانىڭ كينەماتوگرافيستەرى كوروناۆيرۋس پاندەمياسىنا بايلانىستى "10 كۇن وتكەن سوڭ" اتتى روليك ءتۇسىردى، - دەپ حابارلايدى The Atlantic.

روليك اۆتورى ولمو پارەنتيدىڭ ايتۋىنشا، يتاليالىق باق-تار جاڭا ۆيرۋستىڭ تارالعانى جايلى حابارلاي باستاعان كەزدە جەرگىلىكتى حالىقتىڭ كوبى وعان اسا ءمان بەرگەن جوق. كوبى ءتىپتى COVID-19 جايلى جاڭالىقتاردى ەستىپ، ۇرەيلەنگەندەرگە قاراپ كۇلىپ ءجۇردى دەيدى.

پارەنتيدىڭ ايتۋىنشا، بىرنەشە كۇننەن سوڭ وعان يتاليادا اقىرزامان بولعان سياقتى كورىنگەن. ون مىڭنان اسا ادام ۆيرۋس جۇقتىرىپ، مىڭداعان ادام قايتىس بولعان. توتەنشە جاعداي جاريالانىپ، ۇيدەن شىعۋعا تىيىم سالىنعان.

"باستاپقىدا كوبى بۇل جاعدايدىڭ ۋشىعاتىنىن بىلگەن جوق، ونى ماڭىزدى دەپ سانامادى، ۆيرۋستىڭ جاپپاي تارالۋىنا دا وسى سەبەپ بولعان شىعار. ءبىز جاڭالىقتاردان باسقا ەلدەردىڭ ءبىزدىڭ قاتەمىزدى قايتالاپ جاتقانىن ەستىپ جاتىرمىز. اقش پەن ۇلىبريتانيادا 10 كۇننەن سوڭ يتالياداعى جاعداي بولادى دەپ جاتىر. سوندىقتان ءبىز يتاليالىقتاردان 10 كۇن بۇرىنعى جاعدايدى سۇراپ، كەڭەستەر سۇرادىق", - دەيدى رەجيسسەر.

"بەتپەردە ساتىپ الۋدى سۇراپ جاتقان اناڭا كۇلمە، بار دا بەتپەردە ساتىپ ال", - دەيدى ۆيدەودا.

ء"بىز جاعدايدى تۇسىنبەدىك، باعالامادىق، قاتەمىزدى قايتالاماڭىزدار، ۇيدە وتىرىڭىزدار", - دەلىنگەن روليكتە.

ەسكە سالايىق، مۇنىڭ الدىندا يتاليادا ءبىر تاۋلىكتە كوروناۆيرۋستان 350-گە جۋىق ادامنىڭ قايتىس بولعانى حابارلانعان بولاتىن. ەلدە دەرتتەن ءولىم قۇشقانداردىڭ سانى 2 مىڭنان اسىپ كەتتى.

دەرەك كوزى تەنگري نيۋس.كز

پىكىرلەر