ولجاس ءابىل: بىزگە مەملەكەتىمىزدى قۇرۋ كەرەك

2336
Adyrna.kz Telegram

رەيگان بۇرىن امەريكانىڭ كينو سالاسىندا ەكىنشى، ءۇشىنشى سورتتى اكتەر بولعان ەكەن، ول 81 جىلى پرەزيدەنتتىككە ۇمىتكەر بولعاندا امەريكادا ء"وي مىناۋ ناقۇرىس سوندا بىزگە پرەزيدەنت بولماقشى ما؟!" دەپ بۇنى كەكەتىپ مىسقىلداۋشىلار از بولماپتى.

دەگەنمەن، سينگاپۋر كوسەمى لي كۋان يۋ، رەيگاندى "امەريكا پرەزيدەنتتەرىنىڭ اراسىنداعى تىم وجەت، قايسار پرەزيدەنتتەردىڭ ءبىرى بولدى" دەپ سۋرەتتەيدى. راسىندا رونالد رەيگان جاۋىنگەر باسشى بوپ شىقتى.

رەيگان بيلىك باسىنا كەلگەندە "سوۆەتتىڭ اكەسىن تانىتامىن، بولدى اسىلا بەرىڭدەر" دەگەن ۇستانىمدا بوپتى.
رەيگان مەن ساۋديا كورولى - فاحد ەكەۋى جاقسى دوس بولدى. كەيىن ەكەۋلەپ مۇنايدىڭ باعاسىن ون دوللارعا شەيىن ءتۇسىردى.

ءسويتىپ بۇل ەكەۋى كەزىندە سوۆەتتىڭ ەكونوميكالىق ساۋاتسىز، نادان باسشىلارىنىڭ سوڭعى اقشالارىن قارۋلانۋعا (گونكا ۆوورۋجەنيا) جۇمساتقىزا وتىرىپ ءبىر ەلدىڭ (دالىرەك ايتساق مەملەكەتسىماقتىڭ) مۇنايعا تاۋەلدى ەكونوميكاسىن كۇيرەتىپ كۇلىن كوككە ۇشىردى.
وسى كسرو دەگەن مەملەكەتتىڭ بۇگىنگى مۇراگەرى رەسەيدى، جارىقتىق امەريكاندىق سەناتور ماككەين كەزىندە "ۇلكەن بەنزو باعان" (بەنزوكولونكا) دەپ ناقتى انىقتاماسىن بەرگەن ەدى، كسرو ەلى كەزىندە سونداي "باعان" بولاتىن.

قازىرگى تمد باسشىلارى دا سول سوۆەتتىك نادان باسشىلاردان تۇك ايىرماسى جوق نولدەر ەدى.
راس، بۇلار ناعىز نولدەر. ءوز ەلدەرىنىڭ ەكونوميكاسىنىڭ كىلتىن، ميلليونداعان حالقىنىڭ تاعدىرىن شولەيتتەگى ساۋدتىق كراندارعا بايلاپ قويعان نوقايلاردى ءنول دەمەگەندە نە دەۋگە بولادى؟ بۇلار وتىز جىل بويى ويلارىنا كەلگەن نارسەسىن ىستەگەندە ءوز ەكونوميكالارىن قۇرا الماپتى.

سوندا اراپتار ارتىق كراندارىن اشسا ءبىز قوڭىز تەرىپ كەتەتىن بولساق، سىزدەر سوندا ءبىز ءتاپ ءتاۋىر ەكونوميكاسى بار تولىققاندى مەملەكەت قۇردىق دەپ ويلايسىزدار ما؟

مەنىڭشە، بىزگە مەملەكەتىمىزدى قۇرۋ كەرەك.

پىكىرلەر