ءسىم: كورەيادا ۆيرۋس جۇقتىردى دەگەن ازامات بىزگە حابارلاستى

3627
Adyrna.kz Telegram

وڭتۇستىك كورەيادا كوروناۆيرۋس جۇقتىردى دەپ تاراعان اقپاراتتاعى قازاقستان ازاماتى ەلىمىزدىڭ ءسىم وكىلدەرىنە ءوزى حابارلاسقان، دەپ جازادى baq.kz.

ءسىم رەسمي وكىلى ايبەك سمادياروۆتىڭ ايتۋىنشا، قازاقستان ازاماتى الەۋمەتتىك جەلىدەگى ءوزىنىڭ سۋرەتىن كورىپ، تاڭقالعان.

2020 جىلعى 3 ناۋرىزدا وڭتۇستىك كورەيانىڭ الەۋمەتتىك جەلىلەرىنىڭ ءورىستىلدى توپتارىندا وڭتۇستىك كورەيانىڭ كيونگيدو پروۆينتسياسىنىڭ انسون قالاسىندا زاڭسىز جۇرگەن قازاقستان رەسپۋبليكاسىنىڭ ازاماتى COVID-2019 كوروناۆيرۋسقا شالدىققانى راستالدى دەگەن اقپارات تارادى. اتالعان الەۋمەتتىك جەلىلەردىڭ حابارلاۋىنشا، قر ازاماتى كلينيكادان قاشىپ كەتىپ، قازىرگى تاڭدا پوليتسيامەن ىزدەستىرىلۋدە. مۇنداي اقپارات حابار-24 وتاندىق تەلەارناسىندا دا حابارلانعان. قازاقستاننىڭ وڭتۇستىك كورەياداعى ءتيىستى ءىس-شارالار جۇرگىزىپ، ونىڭ ناتيجەسىندە بۇل اقپارات راستالمادى. جەرگىلىكتى پوليتسيا جانە ءبىزدىڭ ازاماتپەن بايلانىس ورناتىلعان. ول بۇعان دەيىن كلينيكاعا بارماعانىن جانە كوروناۆيرۋستىڭ بار-جوعىن انىقتايتىن قانداي دا ءبىر اناليز تاپسىرماعانىن جەتكىزدى. كورەيا پوليتسياسىنىڭ اقپاراتى بويىنشا، وسىدان بىرنەشە كۇن بۇرىن قازاقستاندىق ازامات كوروناۆيرۋسقا شالدىققان ادام بارعان قوعامدىق تاماقتانۋ ورنىندا بولعان. وسىعان بايلانىستى بەلگىلەنگەن تارتىپكە سايكەس، وعان جانە سول ۋاقىتتا وسى مەكەمەدە بولعان بارلىق ادامدارعا ەگەر اۋرۋدىڭ سىرتقى بەلگىلەرى بايقالعان جاعدايدا ۆيرۋستىڭ بار-جوعىنا قاتىستى تەست تاپسىرۋ قاجەت، - دەپ حابارلادى بريفينگ بارىسىندا ءسىم ءباسپاسوز حاتشىسى ايبەك سمادياروۆ.

قازاقستان ازاماتى وڭتۇستىك كورەيانىڭ كيونگيدو پروۆينتسياسىنىڭ انسون قالاسىندا زاڭسىز ءجۇر. ول قازىر كوروناۆيرۋسقا قاتىستى بارلىق قاجەتتى ءاناليزدى تاپسىرۋعا دايىن.

وتانداسىمىز بارلىق قاجەتتى مەديتسينالىق پروتسەدۋرالاردان وتۋگە جانە جەرگىلىكتى بيلىكپەن ىنتىماقتاسۋعا دايىن. ءبىزدىڭ ەلشىلىك وڭتۇستىك كورەيا اۋماعىندا كوروناۆيرۋس انىقتالعان العاشقى كۇننەن باستاپ جەرگىلىكتى ءسىم جانە اۋرۋلاردى باقىلاۋ جانە الدىن الۋ بويىنشا كورەيا ورتالىعىمەن تىعىز جۇمىس ىستەپ كەلەدى. اتالعان ورتالىقتىڭ ۇسىنىسى بويىنشا ءبىزدىڭ وتانداسىمىز تەلەفون ارقىلى كۇندەلىكتى دەنساۋلىعىنا باقىلاۋ جۇرگىزىپ، ءۇي كارانتينىندە بولۋى قاجەت. بۇل ۇسىنىس اۋرۋدىڭ سىرتقى بەلگىلەرى جوقتىعىنا نەگىزدەلگەنىن جانە وعان ەمدەۋگە جاتقىزۋدان جانە كوروناۆيرۋستىڭ بولۋىن تەستىلەۋدەن باس تارتىلدى. قازاقستاننىڭ وڭتۇستىك كورەياداعى ەلشىلىگى بۇل ماسەلەنى تۇراقتى باقىلاۋعا الادى، - دەدى سمادياروۆ.

وسىنداي جالعان اقپاراتتىڭ تاراۋىنا بايلانىستى ءسىم وكىلى رەسمي اقپاراتتى كۇتىپ، ناقتىلاپ بارىپ بەرۋدى سۇرادى.

جوعارىدا باياندالعانعا بايلانىستى ءسىم بۇقارالىق اقپارات قۇرالدارىنىڭ وكىلدەرىنە تەكسەرىلمەگەن اقپاراتتى جاريالاپ، دۇرلىكتىرمەۋ جانە ۇرەي تۋدىرماۋدى سۇرايدى. سىرتقى ساياسي ۆەدومستۆونىڭ رەسمي تۇسىنىكتەمەسىن كۇتۋ قاجەت. سونىمەن قاتار، قازاقستان ازاماتتارىنداعى كوروناۆيرۋسقا قاتىستى اقپارات الۋ ءۇشىن قر دەنساۋلىق ساقتاۋ مينيسترلىگىنە حابارلاسۋدى سۇرايمىز. ال سىرتقى ىستەر مينيسترلىگى شەتەلدەگى ءبىزدىڭ وتانداستىرىمىزعا قاتىستى اقپاراتتى تەكسەرىپ، ناقتى مالىمەت بەرۋگە تىرىسادى، - دەدى ول.

پىكىرلەر